მსოფლიო რაგბის 20-წლამდელთა ჩემპიონატი 2023 წელს აღდგება

ყველასათვის ცნობილია,რომ საქართველოს ჩემპიონატში მოთამაშე ახალგაზრდა მორაგბე,მზად არ არის 20 წლამდელთა მსოფლიოს თასზე წარმატებით თამაშისათვის.მთავარი მიზეზი,სისწრაფეებს შორის ძალიან დიდი სხვაობაა.მსოფლიოს უძლიერეს ნაკრებებთან თამაშისათვის მოსამზადებლად ერთადერთი გზა ევროპის 20 წლმდელთა პირველობაზე,6 ერის ქვეყნებთან თამაში და მსოფლიოს თასისათვის გამოცდილების დაგროვება იყო.მაშინ ევროპის პირველობაზე 6 ერის ქვეყნებიც მონაწილეობდნენ.თავიდან კატარსტროფული სხვაობით ვმარცხდებოდით,მაგრამ ნაკრების ხელმძღვანელობამ სწორი გზა გამონახა; ნაკრებს ისე აკომპლექტებდნენ,რომ მათი ნაწილი,მომდევნო 20 წლამდელთა ნაკრებშიც ხვდებოდა ასაკობრივად და წინა პირველობაზე უკვე გამოცდილება მიღებულნი,უკვე უკეთ თამაშობდნენ უძლიერეს ნაკრებებთან.წაგებების ანგარიში თანდათან კლებულობდა და თანდათან 6ერის ნაკრებების დამარცხებაც დავიწყეთ.უბედურება ის იყო,რომ ყოველი ჩვენთან დამარცხებული ნაკრები,ევროპის შემდგომ პირველობებში მონაწილეობაზე უარს ამბობდა და ბოლოს,როცა ფინალში საფრანგეთიც დავამარცხეთ და ჩემპიონები გავხდით,საფრანგეთმაც დატოვა ევროპის ჩემპიონატში მონაწილეობა.6 ერის ქვეყნების მორაგბეები,თვითონაც ძლიერ ჩემპიონატში თამაშობდნენ,ერთმანეთს 6 ერის პირველობზეც ხვდებოდნენ და მიხვდნენ,რომ ევროპის ჩემპიონატით,მათზე მეტ სარგებელს,საქართველო იღებდა.ბოლო 20 წლამდელთა მსოფლიოს თასზე ეს ფაქტი უკვე უარყოფითად შეეხო ჩვენი ნაკრების თამაშს,2023 წელს კი,ჩვენ გაცილებით ცუდ მდგომარეობაში ვიქნებით.იქ მოთამაშე ჩვენ ბიჭებს ხომ კვლავ არავითარი გამოცდილება არ ექნებათ,ელიტარული ქვეყნების წინააღმდეგ თამაშისა.ხელმეორედ უნდა გავიაროთ უმძიმესი გზა.კი,იყო ცდები უძლიერეს ნაკრებებთან ტურნეებში თამაშისა,მაგრამ კორონას ეპიდემიამ,ეს მცდელობაც წყალში ჩაგვიყარა და უმძიმეს მდგომარეობაში ჩაგვაგდო.როცა შავი ლომი შეიქმნა,ვიმედოვნებდი,რომ იქ ითამაშებდნენ საქართველოში მოთამაშე ნაკრების კანდიდატები და ასევე ასაკობრივი ნაკრების ახალგაზრდები,რომლებიც თან ეროვნულ ნაკრებში სათამაშო სქემებს აითვისებდნენ და თანაც დიდების გვერდით დაოსტატდებოდნენ.ეპიდემიამ აქაც კორექტივები შეიტანა,მაგრამ რასაც ველოდი,შავი ლომი აშკარად ის არ არის და არც იქ აღმოჩნდა.ვერც თვითონ ბრწყინავს და არც მათი მოწინააღმდეგეებია ის გუნდები,ვისთანაც განვვითარდებით და წინ წავიწევთ.იგივე სიტუაციაა სამხრეთ აფრიკაში თამაშის კუთხითაც.საქართველოს ნაკრების საკმაოდ მნიშვნელოვანი ნაწილი,იქაურ მეორე დივიზიონში ითამაშებს და უმაღლესში გადასვლის უფლებაც არ ექნება,თან მათთან ერთად კენიის და ზიმბამბვეს თითო გუნდი.განვითარების რა პერსპექტივა ჩანს აქედან?დიდი ვერაფერი.აი ხარჯები კი,იცოცხლეთ.თვეების განმავლობაში ამდენი ხალხის უცხოეთში შენახვა,ძალიან დიდი ტვირთი იქნება ფედერაციის ბიუჯეტისათვის.ამ პირობებში ალბათ აჯობებს ლომები დაკომპლექტდეს რამდენიმე დიდი ნაკრების წევრისაგან და მათ გვერდით ითამაშონ ნაკრების ახალგაზრდა კანდიდატებმა და 20 წლამდელთა ნაკრების რამდენიმე საუკეთესო წარმომადგენელმა.ისინი საკმაო გამოცდილებას მიიღებენ,რათა მსოფლიოს 20 წლამდელთა თასზე,დანარჩენ ბიჭებს ულიდერონ.საერთოდაც რუსულ გუნდებთან სათამაშოდ,ალბათ გვერჩია ჩვენი საკლუბო გუნდები გაგვეშვა.რუსებს კარგი კლუბები ჰყავთ და ჩვენ გუნდებს განვითარებისათვის გამოადგებოდათ მათთან თამაში.დღევანდელ პირობებში კი,სხვები სწავლობენ ჩვენთან და არაფერი გვეტყობა,რომ ჩვენ რაიმე სარგებელი გვაქვს,ამ თამაშებიდან.პირველი წელია და ჯერ გამოცდილებას ვაგროვებთ,მაგრამ ვფიქრობ აშკარაა,რომ რასაც ველოდით,ის არ გამოდის.შესაბამისად დროა ცვლილებებზე ფიქრი ახლავე დავიწყოთ.რა თქმა უნდა ჩვენი სპეციალისტების მეასედი ცოდნაც არა მაქვს,მაგრამ გულშემატკივარი ვარ და რასაც,როგორც ვხედავ,ამაზე ლაპარაკის უფლება მეც მაქვს.ამ საიტზე ჩემზე გაცილებით უფრო უკეთ რომ იციან რაგბი,ისეთი ხალხიც შემოდიან და რა ვიცი,იქნებ რაღაც ჭკვიანური და სასარგებლო,ვიღაცამ ამოღერღოს.ყოველ შემთხვევაში რაღაცა რომაა შესაცვლელი აშკარად ჩანს და ჩვენ ჩვენი ვთქვათ,სხვამ თავისი.ესეც სასიამოვნო იქნება.