გრიგოლ დოლიძე ეროვნული ლიგა 2-ის "სამგურალის" ფეხბურთელი გახდა. ამის შესახებ ინფორმაცია კლუბმა "ფეისბუქით" გაავრცელა.
37 წლის გრიგოლ დოლიძე "სამგურალს" ქუთაისის "ტორპედოდან" შეუერთდა. "ტორპედო" უმძიმეს ვითარებაშია და ქვედა ლიგაში დაქვეითება ემუქრება.
გრიგოლ დოლიძემ პროფესიული საფეხბურთო კარიერა 2000 წელს ლანჩხუთის "გურიაში" დაიწყო. შემდეგ თამაშობდა ოზურგეთის "მერცხალში", ბოლნისის "სიონში", თბილისის "ამერში", აზერბაიჯანულ "სიმურგში", რუსთავის "ოლიმპში", ზუგდიდის "ბაიაში", გორის "დილაში", "ზესტაფონში", "სამტრედიასა" და ქობულეთის "შუქურაში".
2016 წლიდან დოლიძე ქუთაისის "ტორპედოს" ღირსებას იცავდა და ქუთაისურ გუნდთან ერთად ქვეყნის ყველა ტიტული მოიგო (ჩემპიონობა, თასი(2), სუპერთასი(2).
გრიგოლ
ამ დროისთვის წყალტუბოელებმა 10 ახალი ფეხბურთელი დაიმატეს - ბექა ქურდაძე, ომარ პატარკაციშვილი (ორივე - "გაგრა"), ლევან ქურდაძე, ლუკა რაზმაძე (ორივე - "დილა"), დემურ ჩიხლაძე ("ჩიხურა"), პაპუნა ფონიავა, გრიგოლ დოლიძე (ორივე - "ტორპედო"), ბაქარ ლაღაძე, უშანგი ბანძელაძე (ორივე - "მერანი", მარტვილი).
"სამგურალს" უჩა სოსიაშვილი წვრთნის.
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
