რამაზ შენგელიას სახელობის სტადიონი საქართველოს საფეხბურთო ეროვნულ ლიგაში ერთ-ერთი ყველაზე "ცხელი წერტილია". ბოლო წლების მოვლენებს თუ გადავხედავთ, ყველაზე მეტი ჩხუბი და არეულობა ქუთაისელთა არენაზე მომხდარა. არადა, ქუთაისელი ქომაგი გამოსარჩევია თავისი გულშემატკივრობით და მატჩზე მაღალი დასწრებით. მაგალითად, ქუთაისში გამართულ "ქართულ კლასიკოებზე" საშუალოდ 10 000-მდე გულშემატკივარი ესწრება, მაგრამ, სამწუხაროდ, არსებობენ ისეთი "გულშემატკივრებიც", რომლებიც სიტუაციას განგებ ძაბავენ და სახელს უტეხენ იმ ქომაგს, ვისაც "ტორპედო" მართლა უყვარს. ალბათ, ასეთებს ზედმეტად მოუვიდათ ფილმ "მწვანე ქუჩის ხულიგნების" ყურება და თავი ის უკანასკნელი გულშემატკივარი ჰგონიათ, რომელმაც მაინცდამაინც
ბოლო მოვლენა 24 ოქტომბერს, "ტორპედო"-"დინამოს" მატჩის წინ მოხდა, როდესაც ქუთაისელი გულშემატკივრის ნასროლმა ქვამ "პირველი არხის" ტექნიკოსი დააზიანა.
ჩვენ გავიხსენეთ რამაზ შენგელიას სახელობის სტადიონზე ბოლო წლებში მომხდარი ინციდენტები.
* * *
ყველაზე დიდი არეულობა 2014 წლის 9 მარტს მოხდა, "ტორპედოსა" და "დინამოს" დაპირისპირების დროს. მატჩის 59-ე წუთზე, მოედანზე შემოსასვლელი ჭიშკარი გაიღო და გაზონზე აგრესიული ფანების "არმია" შეიჭრა. ფეხბურთელები და მსაჯები ფანების გარემოცვაში აღმოჩნდნენ. ვითარება უმართავი გახდა. ამ აგრესიული ჯგუფის დაწყნარებას "ტორპედოს" ფეხბურთელები შეეცადნენ, მაგრამ უშედეგოდ - სხვადასხვა საგნით "შეიარაღებული" ვაიგულშემატკივრები საპირისპირო ტრიბუნაზე განთავსებული "დინამოს" ფანკლუბისკენ დაიძრნენ და მათ სხვადასხვა ნივთი დაუშინეს.* * *
2013 წლის 5 ივლისს, ქუთაისის "ტორპედომ" ქალაქის ცენტრალურ სტადიონზე "ჟილინას" უმასპინძლა და 0:3 დამარცხდა. მატჩის შემდეგ ტრიბუნებზე ძალიან დაიძაბა სიტუაცია. საქმეში პოლიციის ჩარევა გახდა საჭირო. სამართალდამცველებმა რამდენიმე ფანი დააკავეს, თუმცა მალევე გამოუშვეს... * * *
2016 წლის 26 ნოემბერს ქუთაისში, რამაზ შენგელიას სახელობის სტადიონზე "ტორპედოსა" და თბილისის "დინამოს" გულშემატკივრებს შორის დაპირისპირება მოხდა. თუმცა ინციდენტი მალევე განიმუხტა, მატჩი კი სტუმრების გამარჯვებით, ანგარიშით 1:0 დასრულდა.- "ტორპედოსა" და "დინამოს" გულშემატკივრებს შორის მატჩის დროს დაპირისპირება მოხდა [VIDEO]
* * *
30 აპრილს საქართველოს ეროვნული ლიგის IX ტურის ცენტრალური შეხვედრა გაიმართა. ქუთაისის "ტორპედომ" თბილისის "დინამოს" უმასპინძლა და ანგარიშით 0:2 დამარცხდა. მეორე ტაიმში მოედანზე ერთ-ერთი გულშემატკივარი შევარდა. ის ჯერ სტადიონის ერთ ბოლოში გაიქცა, შემდეგ მოედნის ცენტრში დაბრუნდა და სავარაუდოდ, მსაჯს შეურაცხყოფა მიაყენა. ამის შემდეგ ის ჯერ ქუთაისელთა მეკარე როინ კვასხვაძეს გამოელაპარაკა, შემდეგ კი თბილისის "დინამოს" ფანკლუბთან მივიდა და მისი წევრები უცენზურო სიტყვებით მოიხსენია... საბოლოოდ ფანი სამართალდამცველებმა დააკავეს და მოედანს განარიდეს.![Sportall.Ge](/pictures/artimages/original/3291245fd659e36f129763374f4ff8e3.jpg ""მწვანე ქუჩის ხულიგნები" ქუთაისიდან")
* * *
ქუთაისში მხოლოდ ქუთაისელები არ ჩხუბობენ. 29 ივნისს, ევროპა ლიგის შესარჩევში ბათუმის "დინამოსა" და ბიალისტოკის "იაგელონიას" გულშემატკივრებს შორის დაპირისპირება მოხდა. ბათუმელი და პოლონელი ფანები ერთმანეთს ქუთაისში, რამაზ შენგელიას სახელობის სტადიონის მიმდებარე ტერიტორიაზე მატჩის დაწყებამდე დაუპირისპირდნენ. * * *
რამაზ შენგელიას სახელობის სტადიონზე საინტერესო ფლეშმობების მოწყობაც იციან. "ტორპედო"-"ლოკომოტივის" მატჩის დროს სტადიონზე მოულოდნელად ელექტროენერგია გაითიშა. ქუთაისელი ფანები არ დაიბნენ და ფეხბურთელებს მოედანი კრეატიულად გაუნათეს.* * *
ინციდენტები მხოლოდ ფეხბურთს არ ახასიათებს. 2014 წელს დაპირისპირება საკალათბურთო მატჩის დროს მოხდა. მაშინ ერთმანეთთან "ქუთისისა" და "დინამოს" ფანებმა იჩხუბეს.
![ეროვნული ლიგა. XXXIII ტური. "დინამო" (ბთ) - "იბერია 1999" [LIVE]](/pictures/image7/566f2159137b5e3373818ab6b88ce22e.png "ეროვნული ლიგა. XXXIII ტური. \"დინამო\" (ბთ) - \"იბერია 1999\" [LIVE]")
![ეროვნული ლიგა. XXXIII ტური. "დილა" - "დინამო" (თბ) [LIVE]](/pictures/image7/51a7cde92f25b61aecd677fa1560027b.png "ეროვნული ლიგა. XXXIII ტური. \"დილა\" - \"დინამო\" (თბ) [LIVE]")
