22:25 25-05-2018
ეროვნული ლიგა. XIII ტური: "ტორპედოს" და "დინამოს" დაძაბული მატჩი ფრედ დასრულდა [VIDEO]
AutoSharing Option
მიუხედავად იმისა, რომ საქართველოს ჩემპიონი მიმდინარე სეზონში წარმატებულად ვერ ასპარეზობს, ამ გუნდების შეხვედრა მუდამ დაძაბულია და ამჯერადაც ასე იყო.
სტადიონზე სასიამოვნო სიტუაცია გახლდათ, გულშემატკივრები მატჩზე მრავლად მივიდნენ და მათ გასახარად კუტალიამ დებიუტშივე თავურით გახსნა ანგარიში. უნდა აღინიშნოს, რომ ბულისკერიას ბურთის აღება მართებდა.
თუმცა, მასპინძელთა სიხარული ხანმოკლე აღმოჩნდა - სულ მალე შულაიამ ზივზივაძის პასით საპასუხო გოლი გაუტანა "ტორპედოს". პირველი ტაიმის დარჩენილი დრო გარდამავალი უპირატესობით წარიმართა, მომენტები ორივე გუნდს ჰქონდა, მაგრამ ანგარიში არ შეცვლილა.
მეორე ტაიმში თამაშის ტემპი დაეცა, ამის მიზეზი კი უთუოდ ისაა, რომ პირველ ტაიმში აქტიურ თამაშს ფეხბურთელებმა დიდი ენერგია შეალიეს და მატჩის სანახაობრივმა მხარემ იკლო.
სადღაც შუა მეორე ტაიმში "ტორპედო" ინიციატივას დაეუფლა და დოლიძის შორიდან ძლიერად დარტყმული ბურთი ბულისკერიამ მოიგერია. ეგ იყო და ეგ - 1:1.
ქუთაისი. "რამაზ შენგელია".
ტორპედო - დინამო 1:1
გოლები: 1:0 ლევან კუტალია (6), 1:1 აკაკი შულაია (15)
ტორპედო (4-2-3-1): როინ კვასხვაძე (კ), ვაჟა ტაბატაძე, ანრი ჭიჭინაძე, ოლეგ მამასახლისი, მიშიკო სარდალიშვილი (თენგიზ წიქარიძე 62), თორნიკე კაპანაძე (ლაშა კუჭუხიძე 78), გიორგი გურული, ლევან კუტალია, გრიგოლ დოლიძე, გიორგი ქიმაძე, მერაბ გიგაური (ჯაბა ლიპარტია 87)
მთ. მწვრთნელი: კახაბერ ჩხეტიანი
დინამო ((4-2-3-1): დემეტრე ბულისკერია, გუჯა რუხაია, ლაშა თოთაძე, ლუკა ლოჩოშვილი, დავით კობოური, ბუდუ ზივზივაძე (თამაზ ბაბუნაძე 90+2), ოთარ კიტეიშვილი (კ), აკაკი შულაია, დმიტრო ივანისენია, გიორგი ივანიშვილი (მიხეილ ერგემლიძე 72), ნიკა ნინუა (ლაშა ქოჩლაძე 75)
მთ. მწვრთნელი: კახაბერ კაჭარავა
ასევე დაგაინტერესებთ
სიახლეები
პოპულარული
დღეს 26 მაისია და საქართველოს დამოუკიდებლობის დღეს გილოცავთ ძვირფასო მეგობრებო,ქართული სპორტის გულშემატკივრებო.მაგრამ დამოუკიდებლობა,თავაშვებულობას არ ნიშნავს და ესეც გაითვალისწინეთ ჩემო ახალგაზრდა მეგობრებო და ზოგჯერ ოპონენტებო.საქართველოს გაუმარჯოს!მართლა დამოუკიდებელ საქართველოს.