თბილისის "დინამოში" ცვლილებებს და ახალ ფეხბურთელებს ელოდებიან. ესპანეთიდან ფეხბურთელების ჩამოყვანაზე კი აქტიურად მუშაობს სამწვრთნელო შტაბის წევრი ჩისკო მუნიოსი. თუმცა ჯერ წამსვლელებზე ვთქვათ. დიდი ალბათობით, უახლოეს მომავალში კლუბს გიორგი ივანიშვილი და ლაშა ქოჩლაძე დატოვებენ.
როგორც ადრე უკვე დავწერეთ, "დინამოს" უცხოელი მეკარის მოყვანა სურს.
![alt](/pictures/image50/d852739b6da90f7d86fa2ced964ad1d8.jpg "ესპანელი მეკარე და კიდევ ერთი ფეხბურთელი კონკურენტი კლუბიდან - მოსალოდნელი ცვლილებები "დინამოში"")
ხარაბაძე "ციურიხში", ესპანელი ლეგიონერები, ჩისკო - ვინ მიდის და მოდის "დინამოში"?
ამ დროისთვის ორი ვარიანტი განიხილება: ესპანური "ლუგოს" 25 წლის სათადარიგო მეკარე ალბერტო ვარო, რომელიც სხვადასხვა დროს "ბარსელონას" მეორე გუნდის და "ხიმნასტიკის" სათადარიგო მეკარე იყო. ამ ფეხბურთელის ღირებულება
მეორე ვარიანტი ესპანეთის მესამე ლიგის ბინადარ "ბადალონას'' 25 წლის მეკარე ხოსე პერალესია, რომლის კარიერაც ძირითადად ესპანეთის მესამე ლიგაზე გადის და მისი ღირებულება 150 000 ევროა. ამათ, ალბათ, ისევ რომელიმე ქართველი ახლაგაზრდა მეკარის კარებში ჩაყენება ჯობია.
ამავდროულად, ვრცელდება ინფორმაცია, რომ თბილისელებმა ქუთაისიდან კიდევ ერთი ფეხბურთელი გადაიბირეს. "ტორპედოს" ნახევარმცველი გიორგი კუხიანიძე შესაძლოა "დინამოს" ფეხბურთელი გახდეს. როგორც ცნობილია, ის იმერელთა კლუბის წევრი აღარ არის. წინა წელს კუხიანიძემ ყველა ტურნირზე 43 შეხვედრაში მიიღო მონაწილეობა და 6 გოლი გაიტანა.
![alt](/pictures/image50/b35ad029a737d029d6e88c0c9de9b4fc.jpg "ესპანელი მეკარე და კიდევ ერთი ფეხბურთელი კონკურენტი კლუბიდან - მოსალოდნელი ცვლილებები "დინამოში"")
ეროვნული ლიგა. II კვირის შემდეგ - 83 ცვლილება და კარუსელი
