ტელეკომპანია "იმედის" ეთერში, გადაცემა "სპორტი იმედზე" საქართველოს ფეხბურთის ფედერაციის პრეზიდენტმა ლევან კობიაშვილმა საჩხერის "ჩიხურასა" და ბათუმის "დინამოს" მატჩის შემდეგ განვითარებულ მოვლენებზე ისაუბრა:"დავიწყებ იმით, რომ ასეთ მოედანზე ფეხბურთს ვერ ვითამაშებდი და თამაშები არც უნდა ტარდებოდეს. ეს არის თვითონ კლუბის გადაწყვეტილება, რომ ამ მოედანზე ეთამაშათ.
ჩვენ ვერ მივიღებდით კატეგორიულ გადაწყვეტილებას, რომ აგვეკრძალა მათთვის აქ თამაში, რადგან კლუბებს აქვთ საფუძვლიანი პრეტენზია, რომ მათ თუ ითამაშეს, უნდა იასპარეზონ სხვა გუნდებმაც. ეროვნულ ლიგაზე მარტო ფედერაციამ არ უნდა იზრუნოს, კლუბებმაც უნდა მიიღონ მონაწილეობა და ეს
ჩემთვის ძალიან გულდასაწყვეტი იყო, რაც მე მოვისმინე მსაჯის მიმართ. ფაქტია, ის კომენტარები რაც გაკეთდა, იყო შეურაცხმყოფელი და ჩვენი მხრიდან გაეცემა შესაბამის პასუხი.
პირველი ეპიზოდი იყო თერთმეტმეტრიანი, რაც შეეხება მეორე ეპიზოდს, ძნელი დასანახი იყო იმ კადრებით, რაც ვნახე , იყო თუ არა კონტაქტი. კონტაქტიც რომ არ ყოფილიყო, ფაქტია ხელი შეეშალა ფეხბურთელს, რომ მეკარესთან გასულიყო ერთი ერთზე.
ბათუმის "დინამოს" ამ შემთხვევაში პრობლემა თვითონ გუნდში აქვს, იგივე თბილისის „დინამოსთან“ შეხვედრა ანგისაზე არ უნდა ჩატარებულიყო და სხვა თამაშებიც, ჩვენც რაღაცებს ვითვალისწინებთ.
ეს არის ტიპიური მაგალითი, რომ არ გინდა შენი პრობლემები დაინახო. თუ ეროვნულ ლიგას მივადევნებთ თვალს, ბათუმის „დინამოს“ ყველაზე მეტი პენალტი აქვს დარტყმული და ვფიქრობ, იგივე „ვიტ-ჯორჯიასთან“ დადებული პენალტი არ იყო პენალტი და იყო სხვა შემთხვევაც.
ის, რომ მსაჯმა შეცდომა დაუშვა, მეც მაგ აზრზე ვარ. მსაჯის ქმედებაზეც რა თქმა უნდა, რეაგირება ექნება. მსაჯების კვალიფიკაციაში რა თქმა უნდა, გვაქვს პრობლემა. თუმცა მსაჯობა VAR-ის პირობებშიც პრობლემაა.
როდესაც გუნდის ხელმძღვანელი გამოდიხარ და ვიღაცებს ბრალს სდებ, ფაქტებით უნდა ისაუბრო. პრობლემა ისაა, რომ გუნდებს ერთმანეთის ნდობა არა აქვთ. ოთხი წელია გუნდებს ვეხვეწებით, შექმენით პრემიერლიგა და ჩვენ დაგეხმარებით, მაგრამ პასუხისმგებლობის აღება არავის უნდა და ყველა ფედერაციისკენ იშვერს ხელს".
![alt](/pictures/image50/df72c77b223b6bea675bc99dae24c530.jpg "ლევან კობიაშვილი: ბათუმის "დინამოს" პრობლემა თვითონ გუნდში აქვს")
გურამ კაშია: ჩემმა ძმამ მითხრა ჯოვინოს არ შევხებივარო![alt](/pictures/image50/e6503a98daa7f34cfc23855eb104580f.jpg "ლევან კობიაშვილი: ათუმის "დინამოს" ამ შემთხვევაში პრობლემა თვითონ გუნდში აქვთ")
კიკაჩეიშვილმა (მსაჯმა) თამაშის შემდეგ დამირეკა - ბათუმის "დინამოს" პრესკონფერენცია [VIDEO]
![ეროვნული ლიგა. XXIX ტური. "დინამო" (ბთ) - "გაგრა" [LIVE]](/pictures/image7/aabaf85099ba61777969b1e7b4aac87d.png "ეროვნული ლიგა. XXIX ტური. \"დინამო\" (ბთ) - \"გაგრა\" [LIVE]")
1: ბათუმის დინამომ საკუთარ თავს უნდა დააბრალოს ეს შედეგი რაც ბოლო 4 ტურში აქვს, გუნდი რომელიც ჩემპიონობასთან ახლოს ხარ და საკუთარ მოედანზე გავარდნილ გუნდს პენალის გარდა ბურთს ვერ გაუტან და დაკარგავ ქულებს აქ უკვე ყველაფერზე ლაპარაკი ზედმეტია (ვესწრებოდი მატჩს, და როცა გატანაბრდა შეხვედრა მაშინ დაიწყო თამაში ბათუმის დინამომ);
2: არ ახალია რომ არავის სურს ფედერაციის მესვეურებს ბათუმი გახდეს ჩემპიონი საქართველოს;
3: ძალიან ბევრი სამუშაო აქვს ჩასატარებელი ფედერაციას, თუნდაც მწვრთნელების კვალიფიკაციის ასამაღლებლად, მხოლოდ საკუთარ კაბინეტებზე და ხელფასებზე ზრუნვა ვერაფერს მოუტანს საქართველოს ჩემპიონატს.