თბილისის "დინამოს" მხსნელად ისევ სხირტლაძე მოევლინა და ჩემპიონობას მიუახლოვდა [VIDEO]

ეროვნული ლიგის მე-14 ტურის გადადებულ მატჩში თბილისის "დინამომ" "ტორპედო" 2:1 დაამარცხა.

ანგარიში მასპინძლებმა 64-ე წუთზე გახსნეს, როდესაც საჯარიმოში ადამაძემ სხირტლაძე წააქცია, პენალტი კი ქავთარაძემ გამოიყენა. თუმცა მასპინძელთა სიხარული ხანმოკლე აღმოჩნდა - ფანცულაია მარცხენა ფლანგზე მცველებს დაუსხლტა და ულამაზესი გოლი გაიტანა. "დინამო" ბევრს და უხიფათოდ უტევდა და მხსნელად კვლავ სხირტლაძე მოევლინა, რომელმაც ჩაწოდებულ ბურთზე მეკარეს დაასწრო და როდესაც გოლი უნდა გაეტანა, ჯანელიძემ წააქცია. ის ძელს დაეჯახა და საბედნიეროდ, სერიოზულად არ დაშავდა, მის მიერ მოპოვებული თერთმეტმეტრიანი კი ისევ ქავთარაძემ შეასრულა ზუსტად.

თბილისის "დინამო" 34 ქულით ლიდერია და 30 ნოემბერს "ჩიხურას" შეხვდება, ხოლო 16 ქულით მე-8 ადგილზე მყოფი "ტორპედო" 1-ელ დეკემბერს "ლოკომოტივს" უმასპინძლებს.

თბილისი. "დინამო არენა"
დინამო (თბ) - ტორპედო 2:1
გოლები: 1:0 ქავთარაძე (64, პენ), 1:1 ფანცულაია (67), 2:1 ქავთარაძე (84, პენ)
გაძევება: ჯანელიძე (82)

დინამო (თბ) (4-2-3-1): კვასხვაძე, კლოუსტერი (პერნამბუკო 55), მონხილი (შულაია 80), ბენიო, კობოური (კ), ქიმაძე, იაშვილი, კუხიანიძე (ზარია 61), პაპავა, ქავთარაძე, სხირტლაძე

მწვრთნელი: ჩისკო

ტორპედო (3-4-2-1): შოვნაძე, ტაბატაძე (კ), მირცხულავა, ნადარაია, გიორგაძე, ადამაძე (გრიგალაშვილი 72), მარკოვიჩი (ჯანელიძე (16), მამასახლისი, ივანიშვილი, ციცქიშვილი, ფანცულაია (ტუღუში 81)