თბილისის "დინამომ" კლუბის "ფეისბუქგვერდზე" გაავრცელა ინფორმაცია, რომ გუნდში მატებაა და საქართველოს ჩემპიონის ღირსებას გვინეელი, 26 წლის ფორვარდი სეკუ კეიტა დაიცავს.
"დინამოს 26 წლის გვინეელი ფორვარდი - სეკუ კეიტა შეემატა. ცენტრალური თავდამსხმელი გვინეის ნაკრების წევრია და ეროვნული გუნდის ფორმით 7 მატჩი ჩაატარა ⚽ კეიტა მადრიდის "ატლეტიკოს" B გუნდში, საფრანგეთის ლიგა 2-ის რამდენიმე კლუბში, კვიპროსულ "ერმისსა" და ლუქსემბურგის "დუდელანჟში" ირიცხებოდა. ბოლოს ქუვეითური "ალ არაბის" შემადგენლობაში გამოდიოდა. ფორვარდმა "დინამოსთან" ერთწლიანი კონტრაქტი გააფორმა", - ვკითხულობთ კლუბის განცხადებაში.
გერმანული საიტი "ტრანსფერმარკტი" გვინეელ ფორვარდს 200 000
ევროდ აფასებს, კარიერაში კი ყველაზე ძვირად 2016 წელს, "ევიანის" რიგებში, ლიგა 2-ში გამოსვლის დროს ფასობდა (600 000 ევრო). კარიერის უმეტესი ნაწილი საფრანგეთის მესამე ლიგაში აქვს გატარებული. აღსანიშნავია, რომ კეიტა მადრიდის "ატლეტიკოს" ძირითადი გუნდის განაცხადში 1-ხელ მოხვდა, 2015/16 წლების სეზონის ლა ლიგის მატჩში "ბილბაოს" წინააღმდეგ სათადარიგოთა სკამზე გვერდს იან ობლაკს, ლუკა ერნანდესს, რაულ ხიმენესსა და ხესუს გამესს უმშვენებდა.
![alt](/pictures/image50/b65cff02fc32e6ba496800167c25b89a.jpg "თბილისის "დინამომ" მადრიდის "ატლეტიკოს" აღზრდილი ფორვარდი დაიმატა")
თბილისის "დინამომ" "გაგრა" პენალტების სერიაში დაამარცხა და სუპერთასს დაეუფლა [VIDEO]
![ეროვნული ლიგა. XI ტური. "დინამო" (თბ) - "თელავი" [LIVE]](/pictures/image7/33a5d735abd57bf4e305d9ea65909811.jpg "ეროვნული ლიგა. XI ტური. \"დინამო\" (თბ) - \"თელავი\" [LIVE]")
![ლამაზი გოლები... "სამგურალმა" "დინამო თბილისს" მოუგო, დერბები ფრედ დასრულდა [VIDEO]](/pictures/image7/85f1a83028671db3c85cbeac88707d64.jpg "ლამაზი გოლები... \"სამგურალმა\" \"დინამო თბილისს\" მოუგო, დერბები ფრედ დასრულდა [VIDEO]")
![ეროვნული ლიგა. X ტური. "სამგურალი" - "დინამო" (თბ) [LIVE]](/pictures/image7/859dc987155f477ff5767a4bf1445d97.png "ეროვნული ლიგა. X ტური. \"სამგურალი\" - \"დინამო\" (თბ) [LIVE]")
