"შახტარის" ახალწვეული გიორგი გოჩოლეიშვილი 4 იანვრიდან გუნდთან ერთად თურქულ ბელეკში შეკრებაზე იმყოფება. დღეს მისი პრეზენტაცია გაიმართა.
21 წლის გოჩოლეიშვილმა "მეშახტეებთან" ხუთსეზონიანი კონტრაქტი გააფორმა, კლუბის საფეხბურთო დირექტორმა დარიო სრნამ 13-ნომრიანი მაისური გადასცა, წარმატებები უსურვა და შემდეგი განაცხადა:
"როდესაც დოდო და ვინისიუსი დავკარგეთ, ბოლო ნახევარი წელიწადი მარჯვენა მცველს ვეძებდით. ბოლოს და ბოლოს დიდი ტალანტის მქონე მოთამაშე საქართველოში ვნახეთ. ის ჩვენს ფეხბურთს და სისტემას მიესადაგება, უყვარს შეტევა - სწორედ ისაა, რაც ჩვენ გვინდა. მოგვეწონა, როგორ წარმოაჩინა გიორგიმ თავი პირველ ვარჯიშებზე და ველით, რომ
ყოველდღე ზრდას გააგრძელებს, რათა "შახტარისთვის" სარგებლის მოტანა უზრუნველყოს.
რაც შეეხება მის უნარებს, მაშინვე დავინახეთ სისწრაფე, გამძლეობა და კარგი ბოლო პასი. დღეს ძალიან ძნელია ასეთი ფეხბურთელების ნახვა, რომლებიც "შახტარს" მოერგებიან, რადგან სპეციფიკური სტილის სპეციფიკური გუნდი ვართ. არჩევანი გოჩოლეიშვილზე გაკეთდა და იმედი მაქვს, არ შევცდით. ის იმუშავებს, ძალისხმევას არ დაიშურებს და თავის შანსს ხელიდან არ გაუშვებს. შესანიშნავი კოლექტივი გვყავს, ამიტომ არცერთ ახალგაზრდა ფეხბურთელს არ გაუჭირდება ადაპტაცია. ნორმალური ბიჭები გვყავს, ჩვენი გული მუდამ ღიაა და ამიტომ მალე გაიწაფება და კლუბისთვის სასარგებლო იქნება".
"შახტარის" მწვრთნელი: გოჩოლეიშვილს შეუძლია უკეთეს ლიგაში გაიზარდოს
!["ვერ ვიცხოვრებ ისეთ მამაკაცთან, რომელიც მინიმუმ ამ თანხას არ გამოიმუშავებს..." - მშვენიერი ანას თამამმა ფოტოებმა დიდი მოწონება დაიმსახურა [PHOTOS]](/pictures/image7/28b39335e371d89f6cbbefce40848aa6.jpg "\"ვერ ვიცხოვრებ ისეთ მამაკაცთან, რომელიც მინიმუმ ამ თანხას არ გამოიმუშავებს...\" - მშვენიერი ანას თამამმა ფოტოებმა დიდი მოწონება დაიმსახურა [PHOTOS]")
