spox.com-მა ავსტრია-საქართველოს მატჩის წინ გიორგი ქვილითაიას ინტერვიუ გამოაქვეყნა, სადაც ეროვნული ნაკრების შემტევმა ხუმრობით უთხრა ავსტრიულ მედიას, რომ ავსტრიის ნაკრები მუნდიალზე ვერ ითამაშებს."ავსტრიის ნაკრები მუნდიალზე ვერ ითამაშებს. რატომ? იმიტომ, რომ ჩვენ თქვენ დამარცხებას ვაპირებთ. რეალურად რომ მივუდგეთ საქმეს, ავსტრია ჩვენზე ოდნავ ძლიერი გუნდია და შანსები 40-60-ზეა მასპინძელთა სასარგებლოდ", - განაცხადა ჩვენებურმა, რომელიც ავსტრიაში ნაკრების წევრებიდან ყველაზე ცნობადია, რადგან ვენის "რაპიდში" თამაშობს.
