21:53 06-10-2017
საქართველოს ნაკრებმა უელსთან ისტორიაში პირველად წააგო [VIDEO+PHOTO]
AutoSharing Option
მატჩი წუთიერი დუმილით დაიწყო. ფეხბურთელებმა და გულშემატკივრებმა პატივი მიაგეს "ზუგდიდის" ტრაგიკულად გარდაცვლილი მეკარის შოთა მამინაშვილის ხსოვნას.
- ცუდი ფაქტი: უელსელთა პასუხი ქართველებს მათი ჰიმნის "შემოკლებისთვის" [VIDEO]
სანახევროდ შევსებულ "დინამო არენაზე" ანგარიშის გახსნის შანსი პირველად სტუმრებს ჰქონდათ, თუმცა გიორგი ლორიამ მათ ამის საშუალება არ მისცა. ძალიან სახიფათო იყო 38-ე წუთზე, ოთარ კაკაბაძის ჩაწოდების შემდეგ გიორგი ქვილითაიას თავურიც, თუმცა ბურთი მცირე მანძილით ასცდა უელსელთა კარს.
უელსელებმა ანგარიშის გახსნა შესვენების შემდეგ მაინც შეძლეს. 49–ე წუთზე ტომ ლოურენსმა ჯერ საბა კვირკველიას აუარა გვერდი, შემდეგ კი გურამ კაშიას აერიდა და საჯარიმოს მისადგომებიდან ლორიასგან შორეულ კუთხეში უძლიერესად დაარტყა – 0:1.
მე-80 წუთზე გატანის ძალიან კარგი შანსი ჰქონდა გიორგი მერებაშვილს, თუმცა ახლო მანძილიდან მისი დარტყმის შემდეგ უელსელმა მცველებმა და მეკარემ კარი ერთობლივად გადაარჩინეს.
დარჩენილ დროში საქართველოს ნაკრები ფლობდა ბურთს, თუმცა რეალური ხიფათი სტუმართა კართან არ შეუქმნია და ანგარიშიც აღარ შეცვლილა. საბოლოდ, პირველად ისტორიაში, უელსის ნაკრებმა შეძლო საქართველოს ნაკრების დამარცხება.
დღესვე D ჯგუფში კიდევ ორი მატჩი გაიმართა. ავსტრიის ნაკრებმა შინ სერბეთს ანგარიშით 3:2 სძლია, ხოლო ირლანდიის ნაკრებმა საკუთარ მოედანზე მოლდოვა დაამარცხა - 2:0.
ბოლო ტურის წინ D ჯგუფშს 18 ქულით კვლავ სერბეთი ლიდერობს, რომელსაც ქულით ჩამორჩება უელსი. მესამეზე ირლანდიაა 16 ქულით, მეოთხეზე კი - ავსტრია (12). საქართველოს ნაკრები 5 ქულით ბოლოსწინა, მე-5 ადგილზე რჩება, ხოლო ცხრილის ბოლოში მოლდოვაა 2 ქულით.
ვლადიმირ ვაისის გუნდი მსოფლიოს 2018 წლის ჩემპიონატის ბოლო შეხვედრას 9 ოქტომბერს, სტუმრად სერბეთთან ჩაატარებს.
საქართველოს ნაკრებმა უელსთან მატჩი ამ შემადგენლობით ჩაატარა:
გიორგი ლორია, ოთარ კაკაბაძე, გურამ კაშია, საბა კვირკველია, გიორგი ნავალოვსკი, ვაკო ყაზაშვილი, ჯაბა კანკავა (კ), ვაკო გვილია (89, დავით ხოჭოლავა), გიორგი მერებაშვილი, ნიკა კვეკვესკირი (76, ჯაბა ჯიღაური), გიორგი ქვილითაია (76, დავით სხირტლაძე).
მკითხველის კომენტარები / 41 /
თარიღის მიხედვით
მოწონებების მიხედვით
ფარელები,გიბლარტარი,ლიხტენშტეინი და სან მარინო , ყველა ერთად როცა გვეყოლება ჯგუფში მაშინ შეიძლება მე-2 ადგილისთვის ვიბრძოლოთ.
38
2
კალაძე, კობიაშვილი და ვაისი ისტორიის სანაგვეზე
27
16
და კალაძე რა შუაშია (კობი და ვაისი ასე თუ ისე შეიძლება იყვნენ ადრესატები)? ან სანაგვეზე რომ ისვრი ამ ხალხს მათ მაგივრად ვის ისურვებ?
2
8
ვაისსი სლოვაკეთის ფეოლაა!!!!ამონარიდი კინოფილმიდან "ფეოლა": "უქიმერიონი" "სატევარს" ეთამაშება და "სატევარს" მეორე ბურთი გააქვს "უქიმერიონის" კარში ამ დროს ხვედელიძე მიირბენს ფეოლასთან და ეუბნება:"რა ვქნათ ფეოლა ხომ ხედავ ვაგებთ,ა!!??" ფეოლა ხვედელიძეს: " რავიცი რავქნათ, გააგრძელეთ ბიჭებო თამაში მე თქვენით ძალიან კმაყოფილი ვარ". აი ასეა ეხლა ჩვენი ნაკრების საქმე (ნახეთ ფილმი "ფეოლა).
23
3
რავა დაღდასმულებივით თამაშობთ! რავა გეშინიათ ინდივიდუალური შეტევის, კარში დარტყმის! რავა ელემენტარული ფანტაზია არაგაქვთ, თუ როგორ გარდასახოთ საჯარიმოდან ამოტანილი ბურთი გოლად!!!!
21
2
კარში დაურტყმელად გოლი არ გადის რომელიც სამწუხაროდ ჩვენებმა არ იციან.კარში დარტყმებს უნდა მიექცეს დიდი ყურადღება.
20
1
გიბრალტარი როდის ჩამოვა საფეხბურთო ზეიმი რო იყოს ქალაქში პს ლევან შეგრცხვეს მაინც
19
2
ფეხბურთელი, გულშემატკივარი, ფედერაცია, ყველა ერთ დონეზე და ერთნაირად ვართ და ერთნაირები ვართ და ერთი პრობლემა გვაქვს....მიბმულია ყველაფერი ერთმანეთზე...საინტერესოა ამ გუნდისგან რას ვითხოვთ როცა საგულშემატკივროდ მივდივართ,...ამ ფედერაციისგან რას ვითხოვთ.90 წუთი არაფერს წყვეტს უბრალოდ ააშკარავებს,სამივეს ერთად
17
2
ხომ ვამბობდი ვაისი კურდღელი მწვრთნელია თქო...ბოლოს ხოჭოლავა რომ გამოიყვანა ეგ უკვე პანიკური გადაწყვეტილება იყო თან ცინ გაუშვა მცველი კაცი,ანუ ჩაკიდეთ და იქნებ თავით გაუტანოთოოო....ბიჭოოო არაბიძე არ წაიყვანე,ჭანტურია მაინც შემოაგდე ,კაცს ვერ ატყუებენ ვარ ხედავ,ვიღაცას ინდივიდუალურად უნდა შეესრულებინა ...რა ჩაგდება , რის ჩაწოდება...კაროჩე რა ვაისი კურდღელია
14
2
Ukve landzgvac momckinda
14
2
და კიდევ ჩვენ ვერც ვაისის გაშვება გვიშველის და ვერც უფრო მაგარი ვაისის მოსვლა. ახალგაზრდობას უნდა მოვკიდოთ ხელი. ფიზიკური მომზადება და ტაქტიკური განსწავლულობაა დღეს ყველაზე მნიშვნელოვანი, რაც ჩვენი ნაკრებისთვის უკვე დაგვიანებულია.
14
6
< წინა1234შემდეგი >
თარიღის მიხედვით
მოწონებების მიხედვით
მკითხველის კომენტარი (41)
გააკეთეთ კომენტარი
ასევე დაგაინტერესებთ
უძრავი ქონება
სიახლეები
პოპულარული