საქართველოს ეროვნული ნაკრების მთავარმა მწვრთნელმა ვლადიმირ ვაისმა 6 ოქტომბერს, უელსთან მატჩის შემდგომი პრესკონფერენცია "დინამო არენაზე" გამართა.მსოფლიო ჩემპიონატის საკვალიფიკაციო ეტაპის მატჩში, საქართველოს ნაკრებმა უელსის ნაკრები მიიღო და 0:1 დამარცხდა.
- საქართველოს ნაკრებმა უელსთან ისტორიაში პირველად წააგო [VIDEO+PHOTO]
- წაგების მიზეზი იყო თუ არა ნახევარდაცვის ცენტრში უთამაშებელი ფეხბურთელების ყოფნა?
- რა თქმა უნდა, ერთ-ერთი მიზეზი ესეც იყო. სხვა გამოსავალი ამ მომენტისთვის არ გვქონდა, ძალიან ბევრი უთამაშებელი ფეხბურთელი გვყავდა. ამიტომ იყო თამაშის ხარისხი დაბალი და გადამწყვეტ მომენტში ბოლო პასი გვაკლდა. ამ ფაქტორმა
ჩემს ფეხბურთელებს ვერ ვუსაყვედურებ, რადგან ისინი ბოლომდე დაიხარჯნენ.
- როგორ აღიქვამთ თქვენს პროფესიულ კარიერაში მსოფლიო ჩემპიონატის ციკლის მოგების გარეშე ჩატარებას?
- დიახ, მე ვარ მწვრთნელი და მომეთხოვება შედეგი, მაგრამ დააკვირდით, სად თამაშობენ თქვენი ფეხბურთელები. ყაზახეთი, პოლონეთი, დანია და ა.შ.
ურთულესი თამაში იქნება სერბეთში. დიდი მნიშვნელობა ექნება იმას, თუ როგორ ითამაშებს ჩვენი მომავალი მეტოქე ავსტრიაში. ჩვენ მოსაგებად გავალთ მოედანზე, მაგრამ ფაქტია, რომ სერბეთს უკეთესი მოთამაშები ჰყავს.
რა თქმა უნდა, მოლდოვასთან თამაში უნდა მოგვეგო, მაგრამ არ გაგვიმართლა. დანარჩენს რაც შეეხება, წარმატებისკენ სვლა ხანგრძლივი პროცესია და ეს მალე არ მოხდება.
- ამ ეტაპზე, პროგრესს ხედავთ ეროვნულ ნაკრებში?
- რა თქმა უნდა, ქულების რაოდენობის მხვრივ არ არის პროგრესი, მაგრამ გუნდმა შეიძინა დიდი გამოცდილება და გამოჩნდნენ ახალგაზრდა ფეხბურთელები, რომლებმაც კარგ დონეზე ჩაატარეს თამაში. შეცდომები ბევრია და მეც ვუშვებ შეცდომებს. ვფიქრობ, რომ ამ გუნდს პროგრესიც აქვს და პერსპექტივაც.
მე ვიქნები თუ არა მწვრთნელი, საქართველოს ნაკრები შემდეგ საკვალიფიკაციოზე შეძლებს წარმატების მიღწევას, რადგან იქ სუსტი გუნდები იქნებიან.
- თქვენ ამბობთ, რომ ძლიერი ამარცხებს სუსტს. მაგრამ თქვენვე დააწერინეთ ისტორია სლოვაკეთის ეროვნულ ნაკრებს, სადაც ძლიერები დაამარცხეთ. რატომ ვერ ვაკეთებთ ამას ჩვენ?
- პირველ რიგში, აღვნიშნავ, რომ სლოვაკეთის ნაკრები არის ძალიან ძლიერი გუნდი და უკეთესი რეიტინგიც აქვს. სამწუხაროდ, ყველაფერი ისე არ ხდება ხოლმე, როგორც გვინდა...
- როდესაც პრაქტიკას გულისხმობთ, როგორ შეაფასებდით ჯაბა კანკავას 90 წუთს, არ იყო ეს შეცდომა? რატომ ვიგვიანებთ შეცვლებს, ხომ არ ჯობდა მეტ შემტევ ფეხბურთელს ეთამაშა?
- ყველანაირად ვეცადეთ, რომ შემტევი ფეხბურთი გვეთამაშა და მომენტები შეგვექმნა. ვფიქრობ, ჯაბა კანკავამ კარგად ჩაატარა ეს თამაში, შესანიშნავი პროფესიონალია და იმსახურებს, რომ კარგ გუნდში ითამაშოს. სხვა ვერაფერს ვიტყვი.
- როგორი ტაქტიკით ითამაშებთ სერბეთის ეროვნული ნაკრების წინააღმდეგ?
- ტაქტიკას ყველა თამაშისთვის ვცვლით. რაც შეეხება სერბეთთან თამაშს, რამდენიმე ცვლილება აუცილებლად იქნება.
გამოვიდნენ და აგვიხსნან როდემდე უნდა გაგრძელდეს ეს უნამუსობა მათი მხრიდან
წილში უზიან ამ მწვრთნელს და იმიტომ ტოვებენ ?
ყოველი თამაშის შემდეგ ცუდად ვხდები ამ "ფეხბურთელების" შემხედვარე
ეს ფედერაცია რასაც აკეთებს სხვა ერთად აღებულ ყველა ფედერაციას არ გაუკეთებიაა ზუგდიდში სტადიონი რო შენდება და სხვა ქალაქებში მარტო ეგ რად ღირს!!! ასე თუ ისე რაღაც კეთდება და უმაქნისი ფეხბურთელებით სხვა რა გინდაა რო იქმნეს გაძლიერდება ნელნელა ეროვნული ჩემპიონატი აიწევს დონეე და დალაგდება ნელნელა ყველაფერიი სამ წელში რა გინდა მსოფლიოზე გახვიდეე ? ცოტა აზრზე მოდით რაა
აი ნახავთ შედეგს. იქნება 3:0 ალტერნატიული გუნდის სასარგებლოდ. მეორე თამაშზე იქნება 5:0.
შანსიც არ იყო, რომ ვაისს წარმატებისთვის მიეღწია, რადგან აბსოლუტურად უსამართლოდ გაგდებული მწვრთნელის მემკვიდრე იყო და თბილისში წელიწადში ორჯერ ჩამოსვლით სულ ნაკერავზეც რომ გამსკდარიყო, ცხადაძეზე უკეთეს შედეგს მაინც ვერ დადებდა.
ორი სამი ფეხბურთელი ჩუმად უნდა შევუშვათ მინდორზე. რას გაიგებენ, დათვლას ხომ არ დაუწყებენ? 15 კაცმაც თუ ვერ მოიგო, მაშინ რისკზე წავიდეთ და მინდორზე ავტომატიანი თავდასხხმელები გავიყვანოთ, სამი ავტომატჩიკი საკმარისია, შედეგი უეჭველი გვექნება ამაზე მე ვარ ატვეჩაი.