საქართველოს ეროვნული საფეხბურთო ნაკრების ფეხბურთელი, 20 წლის ხვიჩა კვარაცხელია გასული სანაკრებო თამაშების დროს განსაკუთრებული ყურადღების ქვეშ მოექცა. სამ თამაშში მან ორი გოლის გატანა მოახერხა და გარდა გოლებისა, გულშემატკივარს კარგი თამაშითაც დაამახსოვრა თავი.კვარაცხელიას, რომელიც რუსულ გუნდ "რუბინში" თამაშობს, სპეციალისტები წარმატებულ მომავალს უწინასწარმეტყველებენ. მის შესახებ მედიაში უამრავი ინფორმაცია ვრცელდება და სხვადასხვა ევროპულ გუნდს უკავშირებენ, თუმცა ჯერჯერობით დადასტურებული ცნობები იმის შესახებ, თუ რომელი კლუბები არიან ქართველი ფეხბურთელის ყიდვით დაინტერესებულნი, ცნობილი არ არის.
სანაკრებო თამაშების შემდეგ კვარაცხელიას შესახებ UEFA EURO 2020-ის ოფიციალურ "ფეისბუქგვერდზე"
"ზედიზედ ორი შესანიშნავი დარტყმა ხვიჩა კვარაცხელიასგან", - ნათქვამია პოსტში და გამოქვეყნებულია ხვიჩას მიერ ესპანეთისა და საბერძნეთის კარში გატანილი გოლების ამსახველი ფოტოები.
აღსანიშნავია, რომ მსოფლიო ჩემპიონატის საკვალიფიკაციო ეტაპის თამაშების შემდეგ ხვიჩა კვარაცხელიას პროფილი transfermarkt.com-ზე ყველაზე მეტჯერ ნახეს და ამ კუთხით ის დღემდე პირველ ადგილს იკავებს. კვარაცხელიამ უკან ჩამოიტოვა ფეხბურთის ისეთი ვარსკვლავები, როგორებიც ერლინ ჰოლანდი, კილიან მბაპე, კრიშტიანუ რონალდუ და ლეო მესი არიან.
![alt](/pictures/image50/4751f0a7113ca967104526df2fd9b7c0.jpg ""ორი შესანიშნავი დარტყმა კვარაცხელიასგან" - რას წერენ UEFA-ს ოფიციალურ გვერდზე ხვიჩა კვარაცხელიას შესახებ")
"ხვიჩა თვითნასწავლი არტისტია, რომელსაც უყვარს იმპროვიზაცია..." - ბერძენი ჟურნალისტი ხვიჩათი აღფრთოვანებულია![alt](/pictures/image50/0f3f80994b8219509b2a750813867933.jpg ""ორი შესანიშნავი დარტყმა კვარაცხელიასგან" - რას წერენ UEFA-ს ოფიციალურ გვერდზე ხვიჩა კვარაცხელიას შესახებ")
"კვარაცხელია ჯერ ძალიან ახალგაზრდაა, მაგრამ..." - სანიოლმა განვლილ მატჩებსა და ხვიჩაზე ისაუბრა
![ხვიჩა ნაადრევად შეცვალეს - "ნაპოლიმ" "რომა" დაამარცხა და ლიდერობა დაიბრუნა [VIDEO]](/pictures/image7/240ab75a036025365d13f8e710c768a8.jpg "ხვიჩა ნაადრევად შეცვალეს - \"ნაპოლიმ\" \"რომა\" დაამარცხა და ლიდერობა დაიბრუნა [VIDEO]")
ჩემი აზრით ამ ბიჭისთვის მისი სათამაშო სტილიდან და საფეხბურთო ხასიათიდან გამომდინარე ლაღი შემტები ფეხბურთის მოყვარული კლუბი იქნება იდეალური რომელიც ახალგაზრდებზე აკეთებს აქცენტს და იქნება შუალედური კლუბი საიდანაც კარგი თამაშის შემდეგ ფეხბურთელს ექნება საშუალება გადავიდეს გრანდში ვფიქრობ ამსტერდამის აიაქსი დორტმუნდის ბორუსია დღევანდელი მილანი (რომელიც აღარ არის ისეთი ვარსკვლავური როგორც ადრე და იქ თავისუფლად დაიმკვიდრებს ადგილს) იდეალური იქნება მისთვის შემტევი ფეხბურთის მოყვარული ახალგაზრდული გუნდებია თამაშობენ ჩემპიონთა ლიგაზე და იქიდან გრანდებში მიდიან იქ მოთამაშე წარმატებული ფეხბურთელები წარმატებები ხვიჩას მას დიდი მომავალი აქვს მთავარია კიდევ დიდხანს არ დარჩეს რუსეთში.