დღეს, 9 ოქტომბერს, მსოფლიოს ჩემპიონატის მე-7 ტურში საქართველოს ნაკრები საბერძნეთს მასპინძლობს.
ქართველი გულშემატკივრები ფეხბურთელებს მიმართავენ:
"მიუხედავად ცუდი თამაშისა, მიუხედავად ცუდი შედეგებისა, მიუხედავად იმისა რომ დღესაც ჩვენი შანსი მიზერულია მე მაინც ვუყურებ თქვენს თამაშს, იმ იმედით რომ იბრძოლებთ ბოლომდე, არ დანებდებით და აჩვენებთ ერთიანობას მოედანზე, რაც ასე მნიშვნელოვანია სრულიად ქვეყნისთვის".
"მაგრამ მაინც მჯერა...".
"25 წელია თამაში არ გამომიტოვებია, რა შედეგების მომსწრე ვიქნებიდი მაგას ყველა ხვდებით, მაგრამ რაც არ უნდა კრიტიკულად ვილაპარაკო ან გავბრაზდე, გულისფანცქალით ველოდები ნაკრების თამაშებს!!! იმ დღეს სხვა არაფერი
მნიშვნელოვანი აღარ არსებობს ჩემთვის!!! /// ვიცი ბერძნები თქვენზე უკეთესი სპორცმენებიც არიან, თქვენზე უკეთეს გუნდებშიც თამაშობენ, თქვენზე დიდი გამოცდილებაც აქვთ და თქვენზე ბრძოლისუნარიანებიც არიან!!! მაგრამ მაინც მჯერა რო სწორი , გააზრებული, თავდადებული თამაშის ხარჯზე მოუგებთ!!!! მინიმუმ 8-10 კმ-ზე ნაკლები არცერთმა ფეხბურთელმა არ უნდა ირბინოს!!! ერთი თამაში ყველასთან შეიძლება, ახალგაზრდების მეიმედება!! და აბა თქვენ იცით!!! "
"იბრძოლეთ რა, თვალებში ცოტა ცეცხლი გქონდეთ"
"დღეს, როდესაც მთელი ქვეყანა გლოვობს, დადეთ ჯიგარი, ცოტა მალამოდ მოეფინება ხალხს..."
"გამოდით მოედანზე და იომეთ, მას შემდეგ რაც გავაცნობიერე თუ რა არის ფეხბურთი და რა არის შენი ქვეყნის ნაკრები, მხოლოდ ერთი ოცნება მკლავს, დიდ ფორუმზე ვიხილო ხუთჯვრიანი დროშა... სამწუხაროდ ეს ამ ციკლშიც არ გამოვა... ჩრდილომაკედონიასთან 34 წლის კაცი ბავშვივით ვბღაოდი, ჩემი ოცნება ერთი ხელის გაწვდენაზე იყო, და... მორჩა, ჩაიარა, არა თუ ვერა, მე იქ ჩვენი ნაკრები ვერ ვიხილე... ის გერბი, ის მაისური, ის თამაში იცოდეთ რომ მხოლოდ თქვენ არ გეკუთვნით, ეს საქართველოსთვისაა, შენი სამშობლოსთვის, ხოლო ყველა ნორმალური ადამიანი საკუთარი სამშობლოსთვის იბრძვის და კვდება, იბრძოლეთ სამშობლოსთვის, იბრძოლეთ ჩემი ცრემლისათვის, იბრძოლეთ თვითოეული ქართველის ცრემლისათვის, იცოდეთ მუდამ, რომ ფორმა რომელსაც ატარებთ ღირსების ფორმაა და ნუ შებილწავთ მას, იბრძოლეთ ამ ფორმისთვის, დაგვანახეთ რომ ომობთ დამთელი საქართველო გაგაღმერთებთ... იბრძოლეთ ჩვენთვის!!!"
"ქართული ფეხბურთის ქომაგების დიდი უმრავლესობა - მათ შორის მეც, "გამოუსწორებელი" ოპტიმისტები ვართ. მიუხედავად იმისა, რომ ბევრჯერ გაგვიცრუვეს იმედები, ყოველ ახალ მატჩს მაინც იმედის თვალით ველით. ახლა როცა ყველანაირი შანსი გადაწურულია და წესით არც ფსიქოლოგიური წნეხი უნდა გაწუხებდეთ, მოინდომეთ და ლაღად შეუტიეთ. იმედი მაქვს კვარა ჩაკვე და მიქაუტაძე ერთად რაღაც ახლის დასაწყისი იქნება."
"გულიანი ქომაგობაც ბევრი გქონდათ და მიმართვებიც ჩემგან, 200 ცალი დიდი დროშა ვიყიდე ერთხელ და უკაპიკოდ დავრჩი და ეს დროშები საჩუქრად დავარიგე ტრიბუნებზე, თქვენს გასამხნევებლად. თქვენ მაშინაც გულგატეხილი გამიშვით სახლში. არაფერს გაყვედრით, ჩემს სამშობლოს ვქომაგობ მხოლოდ. თქვენ კი სამშობლოს განცდა არ გაქვთ, ხო და არც ქვეყნის წინაშე პასუხისმგებლობა და არც საკუთარი თავის პატივისცემა არ გაქვთ უკვე დიდი ხანია, ორი-სამი კაცის გარდა. ახლა ან დაამტკიცეთ საპირისპირო და დაგვაბრუნეთ ტრიბუნებზე, ან მადლიერებით მიიღეთ თქვენთვის მიძღვნილი ლანძღვა-გინება."
"წარმატებებს გისურვებთ! ბიჭებო გოლს თუ გაიტანთ სიხარულს ღიათ ნუ გამოხატავთ!
P.S.დიდი უბედურაბა დატრიალდა ბათუმში!
ნათელში ამყოფოს ღმერთმა გარდაცვლილები!"
P.S.დიდი უბედურაბა დატრიალდა ბათუმში!
ნათელში ამყოფოს ღმერთმა გარდაცვლილები!"
" ბიჭებო თქვენი იმედი გვაქვს. მიაგეთ პატივი ამ მატჩით, ბათუმის ტრაგედიის დაღუპულთა ხსოვნას. "
შეგახსენებთ, შეხვედრა თბილისის დროით 20:00 საათზე დაიწყება.
