საქართველოს ნაკრების ნახევარმცველს ჯანო ანანიძეს რომის "ვილა სტიუარტის" კლინიკაში ოპერაცია პროფესორმა პიერპაოლო მარიანიმ გაუკეთა - მარჯვენა მუხლის წინა ჯვარედინა მყესის პლასტიკა.ფეხბურთელის კლუბის, მოსკოვის "სპარტაკის" საიტი იტყობინება, რომ ქირურგიულმა ჩარევამ გართულებების გარეშე ჩაიარა.
სარეაბილიტაციო ღონისძიებების გასავლელად ჯანო გარკვეული პერიოდი კლინიკაში დარჩება. მას სავარაუდოდ 6 თვე მოუწევს უქმობა.
შეგახსენებთ, ჯანომ ტრავმა საქართველოსა და ლიტვის ნაკრებების ამხანაგური მატჩის მე-6 წუთზე მიიღო.
