aftonbladet.se: გიორგი ხარაიშვილით "აიაქსი" დაინტერესდა

შვედური საიტი aftonbladet.se იუწყება, რომ "გეტებორგის" ახალგაზრდა ქართველი ნახევარმცველის გიორგი ხარაიშვილის სამსახურით "აიაქსი" დაინტერესდა.

"აქ თავს კარგად ვგრძნობ, შვედეთის ჩემპიონატზე მაღალი დონეა და მინდა გარკვეული პერიოდი დავრჩე, ვიდრე სხვა გუნდში გადასვლაზე დავფიქრდები", - განაცხადა გიორგიმ.

თურმე, "აიაქსის" მთავარი სკაუტი ჰენკ ველდმატე "გეტებორგის" მატჩებს ხარაიშვილის თამაშის სანახავად არაერთხელ დაესწრო.

გამოცემის ცნობით, გიორგი "საბურთალოს" განათხოვრებული ჰყავს და შვედურ კლუბს მისი კონტრაქტის გამოსყიდვა რამდენიმე მილიონად შეუძლია, ოღონდ ეს 30 ნოემბრამდე უნდა გააკეთოს.

გიორგი ამბობს, რომ პირველი სეზონის კვალობაზე ურიგოდ არ ასპარეზობს, თუმცა ბოლომდე

კმაყოფილი არაა, ფიზიკურად უნდა მოუმატოს, საქართველოს პირველობასთან შედარებით იქ სხვა ტემპში თამაშობენ, პირველი ორი თვე მისთვის ამ ასპექტში კოშმარი იყო, მერე კი ყველაფერი მოწესრიგდა.

ხარაიშვილი "გეტებორგში" თებერვალში გადავიდა და 18 მატჩში 5 გოლი გაიტანა და 4 საგოლე გადაცემა გააკეთა.

კლუბის სპორტულმა დირექტორმა მატს გრენმა განაცხადა, რომ "აიაქსის" გარდა გიორგის სამსახურით რამდენიმე კლუბია დაინტერესებული, მაგრამ ის ჯერ გუნდს არ გამოიცვლის.

გიორგის მიმართ ამსტერდამული კლუბის ინტერესს ajaxshowtime.com-იც ადასტურებს.

alt ხარაიშვილმა 90-ე წუთზე პენალტი გაიტანა და თავის გუნდს ქულა გადაურჩინა