ფოტო: "ლოკომოტივის" "ტვიტერი"
მოსკოვის "ლოკომოტივმა" სანაკრებო პაუზის დროს ეროვნულ გუნდებში არგამოძახებული ფეხბურთელები სოჭში შეკრებაზე წაიყვანა, სადაც ამხანაგურად "უფას" ეთამაშა.
"ლოკომოტივთან" ერთად სოჭში გაემგზავრა 18 წლის ხვიჩა კვარაცხელია, რომელიც მოსკოვურ კლუბში მიმდინარე წლის ზამთარში გადავიდა და "რკინიგზელების" რიგებში ოფიციალური დებიუტიც ჩაატარა.
"უფასთან" გამართული ამხანაგური მატჩი 2:2 დასრულდა. ხვიჩა კვარაცხელიამ მატჩი ძირითად შემადგენლობაში დაიწყო და ორივე გუნდის ფეხბურთელებს შორის ერთ-ერთი ყველაზე აქტიური იყო.
![Sportall.Ge](/pictures/artimages/original/b0705741497733de2af23a274105f4c8.jpg "ხვიჩა კვარაცხელიამ "ლოკომოტივისთვის" ამხანაგურში გაიტანა")
ქართველ ლეგიონერს თავის გამოჩენის რამდენიმე კარგი შანსი ჰქონდა. 35-ე წუთზე კვარაცხელიამ ერთმანეთის მიყოლებით სამი მეტოქე ჩამოიშორა და "ცხრიანში" დაარტყა,
მაგრამ "უფას" მეკარემ რეაგირება მოასწრო.
56-ე წუთზე მოსკოველებმა გოლი გაუშვეს, უკვე 2 წუთში კი კვარაცხელიას ძლიერი დარტყმით ანგარიშის გათანაბრება შეეძლო. "უფას" კარი ქართველმა ლეგიონერმა მაინც დალაშქრა - 70-ე წუთზე, როდესაც "ლოკო" უკვე 0:2 მარცხდებოდა, ხვიჩამ ერთი ბურთი გაქვითა.
75-ე წუთზე ხვიჩას მიერ შესრულებული ჯარიმა "უფას" კარის "ცხრიანს" მცირედით ასცდა.
მოსკოველთა თავკაცმა იური სიომინმა ქართველი შემტევი 81-ე წუთზე შეცვალა.
"ლოკომოტივის" შეკრება დასრულდა და გუნდი რუსეთის ჩემპიონატის მომდევნო მატჩისთვის მზადებას მოსკოვში გააგრძელებს.
![alt](/pictures/image50/fd68e82b519e6ba8bcd84858f53d439d.jpg "ხვიჩა კვარაცხელიამ "ლოკომოტივისთვის" ამხანაგურში გაიტანა")
ხვიჩა კვარაცხელია მოსკოვის "ლოკომოტივთან" ერთად შეკრებაზე გაემგზავრა![alt](/pictures/image50/fad38a734f6437878d705110865a4afb.jpg "ხვიჩა კვარაცხელიამ "ლოკომოტივისთვის" ამხანაგურში გაიტანა")
ხვიჩა კვარაცხელია: დებიუტისას ვინერვიულე თუ არა? არა, რას ამბობთ! პირიქით![alt](/pictures/image50/dc79bc734c50a818a8491511061986a4.jpg "ხვიჩა კვარაცხელიამ "ლოკომოტივისთვის" ამხანაგურში გაიტანა")
იური სიომინი: ხვიჩა კვარაცხელია ძალიან საინტერესო და პერსპექტიული ფეხბურთელია
![ხვიჩა ნაადრევად შეცვალეს - "ნაპოლიმ" "რომა" დაამარცხა და ლიდერობა დაიბრუნა [VIDEO]](/pictures/image7/240ab75a036025365d13f8e710c768a8.jpg "ხვიჩა ნაადრევად შეცვალეს - \"ნაპოლიმ\" \"რომა\" დაამარცხა და ლიდერობა დაიბრუნა [VIDEO]")
