ევროპა ლიგის პლეი-ოფის პირველ მატჩში ვაკო გვილიას "ლეგია" ვარშავის პირთამდე სავსე 30-ათასიან სტადიონზე "რეინჯერსს" დაუზავდა (0:0), რომელსაც სათავეში სტივენ ჯერარდი უდგას.
პირველი ტაიმი სტუმართა უპირატესობით მიმდინარეობდა, მეორე ტაიმში კი პოლონელ არმიელებს ვაკო გვილია წინ გაუძღვა. თავადაც ჰქონდა გოლის გატანის შესაძლებლობა, ორჯერ კი მის მიერ კუთხურიდან ჩაწოდებული ბურთი იგორ ლევჩუკმა ვერ გადაგზავნა მეტოქის კარში.
გვილიას კარგი ასპარეზობა "დეილი მეილმაც" აღნიშნა და "პილკა ნოზნამაც". პოლონური გამოცემა გვილიას გარჯას ნახევარმცველებთან, ლუკინჰასთან და მარტინსთან ერთად ვარსკვლავურს უწოდებს; აღნიშნავს, რომ ის შეტევებს უნარიანად ხელმძღვანელობდა და
საერთოდ, არასტანდარტულ გადაწყვეტილებებს იღებდა.
"ლეგიას" მწვრთნელმა ალეკსანდერ ვუკოვიჩმა ნამატჩევს თქვა, რომ ობიექტურად მათზე ძლიერ მეტოქეს ტოლი არაფერში არ დაუდეს, რომელმაც წინა წრეში "მიდტიულანდი" საერთო ანგარიშით 7:3 დაამარცხა, ახლა შანსები 60/40-ზეა გლაზგოელთა სასარგებლოდ, თუმცა არაფრის დათმობას არ აპირებენ და ბოლომდე იბრძოლებენ.
ევროპა ლიგა. პლეი-ოფი: "ფეიენოორდი", პრაქტიკულად, გავიდა, ქართველები "გენტში" კეთროვანებივით არიან და სხვა...
![ატყდა დავიდარაბა. "სლოვანმა" რუსულ გუნდთან საიდუმლო მატჩი ჩაატარა - კანკავამ გაიტანა, გვილიამ ითამაშა [VIDEO]](/pictures/image7/57f03630e45e20d80b6f88de210dde05.jpeg "ატყდა დავიდარაბა. \"სლოვანმა\" რუსულ გუნდთან საიდუმლო მატჩი ჩაატარა - კანკავამ გაიტანა, გვილიამ ითამაშა [VIDEO]")
