ვაკო გვილიას "ლეგიამ" ვარშავაში ჩემპიონთა ლიგის პირველ საკვალიფიკაციო ეტაპზე 1:0 მოუგო "ლინფილდს".
პოლონური პრესის ცნობით, "ლეგიამ" თავისი საუკეთესო მატჩი ვერ ჩაატარა და მხოლოდ 84-ე წუთზე ხოსე კანტეს გატანილი გოლით მოიპოვა გამარჯვება. აღსანიშნავია, რომ 75-ე წუთზე სტუმრებს ნახევარმცველი მილარი გაუძევეს და რიცხობრივ უმცირესობაში დარჩნენ.
კანტეს საგოლე გადაცემა გვილიამ გაუკეთა, რომელმაც შეუცვლელად ითამაშა.
არმიული გუნდი 25 აგვისტოს, მეორე ეტაპზე, "არარატ-არმენიასა" და "ომონიას" შორის გამარჯვებულს უმასპინძლებს.