ფრანგულ "ვალანსიენში" საქართველოს ნაკრების კაპიტან ჯაბა კანკავას დებიუტი შედგა.
საფრანგეთის ლიგა 2-ის 21-ე ტურში "ვალანსიენი" სტუმრად დაუზავდა აუტსაიდერ "შატორუს" (3:3), კანკავამ კი შეუცვლელად ითამაშა.
ჯაბას გუნდი თავიდან აგებდა, შემდეგ დაწინაურება მოახერხა, მაგრამ 90-ე წუთზე გოლი გაუშვა და ფრეს დასჯერდა.
ნამატჩევს "ვალანსიენის" მწვრთნელმა ოლივიე გეგანმა კანკავა და "გენგამიდან" ახლახან გადაყვანილი თავდამსხმელი გაეტან რობაილი შეაქო, რომელიც შესვენების შემდეგ შევიდა შეცვლაზე და 3 საგოლე პასი გააკეთა.
"რობაილი და კანკავა ძალიან სასარგებლონი იყვნენ. გუნდში ადაპტაციისთვის დრო არ ჰქონდათ, მაგრამ ისე ითამაშეს, თითქოს კარგა ხანია
აქ არიან. კიდევ უფრო მეტად წაადგებიან გუნდს. ასეთი ფეხბურთელები გვჭირდება".
"ვალანსიენი" 28 ქულით მე-8 ადგილზეა და 26 იანვარს "პარიზს" უმასპინძლებს.
ოფიციალურად: საქართველოს ნაკრების კაპიტანი ჯაბა კანკავა საფრანგეთის ჩემპიონატში დაბრუნდა
!["რუსეთის დდშვც... საქართველო ევროპაში" - ჯაბა კანკავა და გიორგი ჩაკვეტაძე თბილისში განვითარებულ ბოლოდროინდელ მოვლენებს ეხმაურებიან [PHOTOS]](/pictures/image7/e693a91eba3d3b8adbb4159be8b075c1.png "\"რუსეთის დდშვც... საქართველო ევროპაში\" - ჯაბა კანკავა და გიორგი ჩაკვეტაძე თბილისში განვითარებულ ბოლოდროინდელ მოვლენებს ეხმაურებიან [PHOTOS]")
