ყაზანის "რუბინისა" და სამხრეთ კორეის ეროვნული ნაკრების ნახევარმცველმა ხვან იმ ბომმა რუსულ "მატჩ ტვ"-სთან ინტერვიუში ხვიჩა კვარაცხელიაზე ისაუბრა.
"რუსეთის პრემიერლიგაში, ისე, როგორც MLS-ში, ძალიან ბევრი ტექნიკური ფეხბურთელია. თუმცა ეს სპორტი მხოლოდ ტექნიკა არაა, არამედ - ფიზიკა და ინტელექტი. მე ცოტა განსხვავებული სტილი მაქვს, ის რუსი ფეხბურთელების უმრავლესობისგან განსხვავდება. თუმცა აქ არიან მაგარი ბიჭები, მაგალითად, ვლაშიჩი და რამდენიმე "არმიელი". "ზენიტის" მოთამაშეები ბურთთან ერთად ბრწყინვალედ მუშაობენ. "კრასნოდარი" მომწონს, ერთ-ერთი საუკეთესო გუნდია, ლამაზ და შემტევ ფეხბურთს თამაშობს.
ცხადია, თანაგუნდელებსაც
დავასახელებ. მაგალითად, დარკო იევტიჩსა და შატოვს. კვარაც, ხვიჩა კვარაცხელია, რომელიც, დარწმუნებული ვარ, მსოფლიოს ერთ-ერთი საუკეთესო ფეხბურთელი გახდება.
აქამდეც მითქვამს, რომ კვარას ბრწყინვალე პერსპექტივები აქვს. ის ჯერ კიდევ ძალიან ახალგაზრდაა, ასე რომ, მასზე არ ვნერვიულობ. მწვრთნელი ეტყვის, როდის დაშორდეს ბურთს და დაიჭიროს. ხვიჩა სუპერფეხბურთელი აუცილებლად გახდება", - თქვა იმ ბომმა.
სერბეთის ნაკრების ფორვარდი ხვიჩაზე: ვიამაყებ, მასთან ერთად რომ ვთამაშობდი
"რუბინის" დირექტორი: ხვიჩას ევროპულ კლუბში ჩემი მანქანით ჩავიყვან!
![ხვიჩა ნაადრევად შეცვალეს - "ნაპოლიმ" "რომა" დაამარცხა და ლიდერობა დაიბრუნა [VIDEO]](/pictures/image7/240ab75a036025365d13f8e710c768a8.jpg "ხვიჩა ნაადრევად შეცვალეს - \"ნაპოლიმ\" \"რომა\" დაამარცხა და ლიდერობა დაიბრუნა [VIDEO]")
