რუსეთში მოღვაწე ფეხბურთელებმა და ჟურნალისტებმა ამჯერად შეკითხვები ლეგენდარულ პორტუგალიელ ფეხბურთელს, ლუიშ ფიგუს დაუსვეს. ერთ-ერთი მათგანი ხვიჩა კვარაცხელია იყო."რუბინის" ქართველი ლიდერის, რომელიც ახლა ტრავმირებულია, კითხვა ეხებოდა იმას, რომ ლუიშ ფიგუ "ბარსელონადან" პირდაპირ მადრიდის "რეალში" გადაბარგდა. ხვიჩას აინტერესებდა, რამდენად გაუძლო პორტუგალიელმა ნახევარმცველმა გულშემატკივრების მხრიდან ზეწოლას. ფიგუს პასუხი ასეთი იყო:
"ამა თუ იმ წნეხზე რეაგირება ინდივიდუალურია. მე ის გარკვეულწილად მაიძულებდა, მუდამ კარგ ფორმაში ვყოფილიყავი. მთავარია, მაქსიმალურად კონცენტრირდე საკუთარ საქმეებზე და ამავდროულად, დისტანცირდე გარეშე ფაქტორებისგან, მათ შორის, გულშემატკივრებისგან".
მომზადებულია იუთუბ-არხ reiting-ის მიხედვით
"რუბინის" ოფიციალური გვერდი კვარაცხელიას დაბრუნებაზე საუბრობს
