კვიპროსის თასის ფინალში "ანორთოსისმა" დამატებით დროში "ოლიმპიაკოსი" 2:1 დაამარცხა.
როგორც მოსალოდნელი იყო "ანორთოსისის" მწვრთნელმა თემურ ქეცბაიამ ოთხივე ქართველი - გიორგი ლორია,ბუბა დაუშვილი,თორნიკე ოქრიაშვილი და გიორგი ქვილითაია სასტარტოში დააყენა. მატჩი ძალიან დაძაბულად წარიმართა, პირველ ტაიმში ქვილითაიამ და დაუშვილმა ყვითელი ბარათები მიიღეს, ხოლო შესვენებაზე ქეცბაიამ ეს უკანასკნელი შეცვალა. მეორე ტაიმის დასაწყისში მსაჯმა ოქრიაშვილიც გააფრთხილა, 59-ე წუთზე კი ფამაგუსტური გუნდი არტამატასმა დააწინაურა, თუმცა მათი სიხარული ხანმოკლე გამოდგა - ორიოდ წუთში სარფომ ანგარიში გაათანაბრა და ძირითადი დრო 1:1 დასრულდა.
110-ე წუთზე კი ქვილითაიამ გამარჯვების და კარიერის უმნიშვნელოვანესი გოლი გაიტანა და თავის გუნდს გამარჯვება მოუპოვა.
ნიქოზიას 22 859-იან "Neo GSP"-ზე კორონავირუსის პანდემიის მიზეზით დაწესებული შეზღუდვების გამო სტადიონზე მაყურებელთა ტევადობის მხოლოდ 15% დაუშვეს, "ანორთოსისის" ფანებს 1 600 ბილეთი შეხვდათ, მათი უმეტესობა სტადიონზე ვერ შევიდა და გამარჯვებას ქალაქში ზეიმობს.
![alt](/pictures/image50/bf00afc18a0f644ce76402e0b5c737f8.jpg "ქვილითაიას 110-ე წუთზე გატანილი გოლით "ანორთოსისმა" ნანინანატრი თასი მოიპოვა [VIDEO]")
ქართველების "ანორთოსისს" ხვალ სეზონის გადამწყვეტი მატჩი აქვს
