ლა ლიგის მეოთხე ტურში „ვალენსიამ“ გასვლაზე „ოსასუნას“ 4:1 სძლია.
მწვრთნელმა ხოსე ბორდალასმა მეკარე გიორგი მამარდაშვილი კვლავ ძირითად შემადგენლობაში დააყენა. მატჩი მასპინძელთა იერიშებით დაიწყო, ჯერ მსაჯმა დანიშნული პენალტი გააუქმა, შემდეგ კი მონკაიოლამ ანგარიში გახსნა. გაშვებულ გოლში ქართველს ბრალი არ მიუძღვის, as-ი და „მუნდო დეპორტივო“ აღნიშნავენ, რომ ბურთის მოგერიება შეუძლებელი იყო. სტუმრებმა შეტევებით უპასუხეს და მაქსი გომესმა სოლერის გადაცემულ ბურთს ერერას კარში მიუჩინა ადგილი. აქედან მოყოლებული თამაში გათანაბრდა, მომენტები ორივე გუნდს ჰქონდა, ხოლო კომპენსირებულ დროში გიორგიმ კიკე გარსიას დარტყმული ბურთი მოიგერია და
პირველი ტაიმი 1:1 დასრულდა.
მეორე ტაიმის დასაწყისში გედეშმა დუბლი შეასრულა და „ვალენსია“ 3:1 დაწინაურდა. 63-ე წუთზე ბრაშანაცმა მამარდაშვილს მიერ ხელებში დაფიქსირებული ბურთი "წაართვა" და გაიტანა, მაგრამ მსაჯმა გოლი სამართლიანად არ ჩათვალა. 74-ე წუთზე ალდერეტემ თავურით სადებიუტო გოლი გაიტანა, 1:4 და ყველაფერი დასრულდა.
მამარდაშვილმა პრიმერაზე ოთხივე სასტარტო მატჩი შეუცვლელად ჩაატარა, ორი გოლი გაუშვა, ხოლო „ვალენსია“ 10 ქულით ლიდერია და 19 სექტემბერს „რეალს“ უმასპინძლებს.
ოსასუნა - ვალენსია 1:4
გოლები: 1:0 მონკაიოლა (8), მაქსი გომესი (26), 1:2 გედეში (50), 1:3 გედეში (54), 1:4 ალდერეტე (74)
![alt](/pictures/image50/528ee399a3d46347d130937bdc40a892.jpg "მამარდაშვილის მეოთხე მატჩი ლა ლიგაში - "ვალენსია" გალიდერდა და შემდეგ ტურში "რეალს" შეხვდება")
მამარდაშვილის მეოთხე მატჩის მოლოდინში - ქართველებით დახუნძლული კვირა
![მამარდაშვილმა "ვალენსიაში" მე-100 მატჩი ჩაატარა - მისი გუნდი "სელტასთან" ფრეს დასჯერდა [VIDEO]](/pictures/image7/c1469af1a345e66737015f02b8ed3adf.png "მამარდაშვილმა \"ვალენსიაში\" მე-100 მატჩი ჩაატარა - მისი გუნდი \"სელტასთან\" ფრეს დასჯერდა [VIDEO]")
![მამარდაშვილს სამი გაუტანეს - "ვალენსია" "ჟირონას" ვერ გაუმკლავდა [VIDEO]](/pictures/image7/02316af493583dcffe375aef99177bf8.jpeg "მამარდაშვილს სამი გაუტანეს - \"ვალენსია\" \"ჟირონას\" ვერ გაუმკლავდა [VIDEO]")
მჯერა, რომ შენ ჩვენი დონნარუმმა იქნები შემდეგი 15 წელი