ხუთშაბათს, 16 სექტემბერს კონფერენს ლიგის პირველი გათამაშების ჯგუფური ეტაპი იწყება. ტურნირზე საკმაოდ ბევრი ქართველი ფეხბურთელია წარმოდგენილი.ბრატისლავის "სლოვანის" ოფიციალურმა გვერდმა საქართველოს ნაკრების ვიცე-კაპიტან გურამ კაშიასთან ისაუბრა. ვლადიმირ ვაისის გუნდის პირველი მეტოქე, სადაც ასევე ჯაბა კანკავა გამოდის, დავით ხოჭოლავას "კოპენჰაგენია".
გურამ კაშია:
"შეხვედრას მოუთმენლად ველი. ბევრი გულშემატკივარი დაგვესწრება და ეს ზეიმი იქნება. საშინაო გარემო, რა თქმა უნდა, ჩვენი უპირატესობაა, ასე რომ, ჯგუფურ ეტაპს მშვენივრად ვიწყებთ.
"კოპენჰაგენი" დიდი ევროპული კლუბია. დანიის ნაკრების წინააღმდეგ ეროვნული ნაკრების მაისურით არაერთხელ მიასპარეზია. ისინი საჰაერო ორთაბრძოლებში ძალიან
"კოპენჰაგენის" რიგებში "ვიტესში" ჩემი თანაგუნდელი კევინ დიქსი თამაშობს, დავით ხოჭოლავას წინააღმდეგ თამაშს მოუთმენლად ველი. მან მითხრა, რომ გამარჯვებისთვის მოდის, მე კი ვუპასუხე, რომ სერიოზულ მეტოქედ უნდა განგვიხილონ.
ბრატისლავა შემიყვარდა - აქ სასიამოვნო ადამიანები ცხოვრობენ, გემრიელი კერძები აქვთ და ქალაქში გადაადგილება მარტივია. ბედნიერი ვარ და მინდა, "სლოვანში" დიდხანს დავრჩე."
სლოვაკეთში გასამართი შეხვედრა თბილისის დროით, 20:45 საათზე დაიწყება. ჯგუფის კიდევ ორი წევრი ბერძნული "პაოკი" და გიბრალტარის "ლინკოლნი" არიან.
"ქართველებით კიდევ ერთხელ მოვიხიბლე!" - კაშიასა და კანკავას წინაშე ქედს იხრიან...
ხოჭოლავას "კოპენჰაგენმა" "სივასპორი" გააბითურა
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
