ზამთრის სატრანსფერო ფანჯარა ახლოვდება, კლუბები კი ნელ-ნელა აქტიურობენ და სასურველი ფეხბურთელების ხელში ჩაგდებას ცდილობენ.
ინგლისური "ვესტ ჰემი" "რუბინის" ხელმძღვანელობას ხვიჩა კვარაცხელიასთან დაკავშირებით გაესაუბრა. ბრიტანელებს აინტერესებთ, თუ რა თანხად შეელევიან ქართველ ტალანტს. წყაროს ცნობით, ყაზანურმა კლუბმა ტრანსფერში 13 მილიონი ფუნტი მოითხოვა.
შეგახსენებთ, კვარაცხელიას "რუბინთან" კონტრაქტი 2024 წლამდე აკავშირებს.
რაც შეეხება ხვიჩას, თითქოსდა რუსეთის პრემიერლიგაში ეს სეზონი არასახარბიელოდ მისდის, თუმცა შვედეთთან გატანილი 2 გოლის შემდეგ ისევ ყურადღების ცენტრში მოექცა. ამასთან ერთად, ხვიჩას სათამაშო სტილი დევიდ მოიესს ("ვესტ ჰემის" მთავარ მწვრთნელს) გამოადგება.
მომზადებულია
footballinsider247-ის მიხედვით
ჩემი აზრით კვარასთვის ბუნდესლიგა ან ლალიგა ყველაზე კარგი ვარიანტია სადაც უფრო ლაღი თამაშებია ლალიგაში და ბუნდესლიგაში უფრო ტექნიკური შემოქმედებითი გუნდები თამაშობენ ლამაზი უხვგოლიანი შემტევი ფეხბურთის მიმდევრები არიან და მაგ გერმიაში თუ თავს გამოიჩენ ეგრევე ბაიერნის რადარზე ხარ ასე რომ მე ვფიქრობ მისი თამაშის სტილის შესაფერისი ლიგა უნდა მოძებნოს აგენტმა სადაც მას ექნება იმ თამაშის საშუალება რაც იცის და გამოზდის მე ვფიქრობ ახლა სერია ა და პრემიერ ლიგა მისთვის არ არის მისაღები ჩემპიონატები და არც ფრანგლული ლიგა ბუნდესლიგას და ლალიგას დახატავს იქ მაგრად განვითარდება.
წარმატებები ხვიჩას!