მასპინძლები 30-ე წამზე ლუკაკუს პასით მაკტომინეიმ დააწინაურა. ნეაპოლური გუნდი ინიციატივას ფლობდა, შეტევები გააგრძელა, კვარაცხელიას დოსენამ ხელი სახეში ჩაარტყა, მაგრამ მსაჯმა რეაგირება არ მოახდინა. შემდეგ ხვიჩას დარტყმული ბურთი მეკარე აუდერომ მოიგერია. აქედან მოყოლებული სტუმრები იერიშებზე გადავიდნენ, კუტრონემ ბურთი ძელს გაარტყა, სტრეფეცამ კი ანგარიში გაათანაბრა.
მეორე ტაიმის დასაწყისში მეტოქის საჯარიმოში ოლივეირა რობერტომ წააქცია და ლუკაკუმ პენალტით „ნაპოლი“ წინ გაიყვანა. მერე შანსი ქართველს მიეცა, მაგრამ მისი დარტყმული ბურთი მცველმა დაბლოკა. ცოტა ხანში „კვარას“ საჯარიმოში მორენომ ხელი ჰკრა, წააქცია, მსაჯმა თერთმეტმეტრიანის დანიშვნა საჭიროდ არ მიიჩნია და პროტესის გამოხატვის გამო მწვრთნელს, კონტეს ყვითელი ბარათი უჩვენა. კვარაცხელია 79-ე წუთზე შეცვალეს, ხოლო მის ნაცვლად მოედანზე შესულმა ნერესმა მოწინააღმდეგის კარი დალაშქრა. მას საგოლე გადაცემა ლუკაკუმ გაუკეთა.
„ნაპოლი“ 16 ქულით ლიდერია და მომდევნო შეხვედრას 20 ოქტომბერს გასვლაზე „ემპოლისთან“ ჩაატარებს.
ნეაპოლი. „დიეგო მარადონა“
ნაპოლი - კომო 3:1
გოლები: 1:0 მაკტომინეი (1), 1:1 სტრეფეცა (43), 2:1 ლუკაკუ (53, პენ), 3:1 ნერესი (86)
"ნაპოლისა" და "კომოს" პირველი ტაიმი 1:1 დასრულდა [VIDEO]
30-ე წამზე - მაკტომინეიმ "ნაპოლიში" სადებიუტო გოლი გაიტანა [VIDEO]
ხვიჩა ფორმაშია, პოლიტანოს საოცარი მიღწევა აქვს... - ქართველების მატჩები უკრაინამდე
