transfermarkt-მა ფეხბურთელების სატრანსფერო ფასები განაახლა. გთავაზობთ 6 ყველაზე ძვირად ღირებულ ქართველ ათლეტს.
ხვიჩას ფასმა 2 მილიონით იკლო. ქართველი შემტევის ღირებულება 2021 წელს 18 მილიონი ევრო იყო, იმავე წლის 29 დეკემბრის შემდეგ კი სატრანსფერო ფასი 16 მილიონი ევრო იქნება.
![Sportall.Ge](/pictures/artimages/original/3037620d0e6bc1b5b045b7933e1a2a50.png "განახლებული სატრანსფერო ფასები - ხვიჩა და "ჩაკვე" გაიაფდნენ")
სამაგიეროდ, ძალიან გაიზარდა "ჰათაისპორის" ერთ-ერთი ლიდერის, საბა ლობჟანიძის ღირებულება. 2021 წლის 21 მაისის საბაზრო ღირებულების მიხედვით, ქართველის ფასი 1.5 მილიონი ევრო იყო, განახლებული ვერსიით კი, 26 წლის სპორტსმენის ღირებულებამ 3.4 მილიონ ევრომდე აიწია.
![Sportall.Ge](/pictures/artimages/original/b4feaa7c7f8e6824690df6e27be785f0.png "განახლებული სატრანსფერო ფასები - ხვიჩა და "ჩაკვე" გაიაფდნენ")
მესამე ადგილს ერთბაშად 3 ქართველი ფეხბურთელი იკავებს. ესენი არიან:
დავით ხოჭოლავა ("კოპენჰაგენი"), ოთარ კიტეიშვილი ("შტურმი") და გიორგი მამარდაშვილი ("ვალენსია"). სამივე სპორტსმენის ფასი 3 მილიონი ევრო გახლავთ.
რაც შეეხება გიორგი ჩაკვეტაძეს, სატრანსფერო ფასების განახლების შემდეგ, ამ მომენტისთვის, "გენტის" შემტევის ღირებულება 2.7 მილიონ ევრომდე ჩამოვარდა... შეგახსენებთ, "ჩაკვეს" საბაზრო ღირებულება 2019 წელს 9 მილიონი ევრო გახლდათ.
![Sportall.Ge](/pictures/artimages/original/053daccaf5ee38af266263d4f7bb8823.png "განახლებული სატრანსფერო ფასები - ხვიჩა და "ჩაკვე" გაიაფდნენ")
