დღეს "ნაპოლი" დიმაროში ჩავიდა, სადაც 19 ივლისამდე შეკრებას გაივლის. გუნდს ადგილზე ნეაპოლელი გულშემატკივრები დახვდნენ და გუნდის ახალწვეულ ხვიჩა კვარაცხელიას სახელს სკანდირებდნენ. "იუვენტუსისა" და "რომას" ყოფილმა ფეხბურთელმა, პოლონეთის ფეხბურთის კავშირის საპატიო პრეზიდენტმა ზბიგნევ ბონეკმა კვარაცხელიას "ნაპოლიში" გადასვლაზე გააკეთა კომენტარი.
"მისი თამაში ვნახე და ბევრმა ჩემთან მასზე კარგად ისაუბრა. მაღალი დონისაა, თუმცა აუცილებელია გაცილებით მეტი დაამტკიცოს, ვიდრე უკვე გააკეთა. მე ვფიქრობ, ხვიჩაზე ცოტას უბრალოდ მისი ეროვნების გამო ლაპარაკობენ.
როდესაც კლუბი არგენტინელს ყიდულობს, ყველა ფიქრობს, რომ ის მოვლენაა, როდესაც სინამდვილეში საშუალო კლასისაა. კვარაცხელიას
შემთხვევაში ბევრს ეჭვი მხოლოდ იმიტომ აღეძვრება, რომ ის ქართველია. მე მესმის, რომ საქართველოს საფეხბურთო სამყაროში დიდი ცნობადობა არ აქვს, მაგრამ საჭიროა ხვიჩასი გვჯეროდეს", - ციტირებს ბონეკს Mondonapoli.
კვარაცხელია შეკრებაზე გაემგზავრა - სლუცკიმ ყოფილი შეგირდი შეაქო
![ხვიჩა ნაადრევად შეცვალეს - "ნაპოლიმ" "რომა" დაამარცხა და ლიდერობა დაიბრუნა [VIDEO]](/pictures/image7/240ab75a036025365d13f8e710c768a8.jpg "ხვიჩა ნაადრევად შეცვალეს - \"ნაპოლიმ\" \"რომა\" დაამარცხა და ლიდერობა დაიბრუნა [VIDEO]")
