მამუკა ჯუღელი ხვიჩა კვარაცხელიაზე გავრცელებულ ჭორს ეხმაურება

კაცი დიდებულ ფეხბურთს თამაშობს და სულ მალე გენიოსად ჩამოყალიბდება.
ხვიჩას არც ივანიშვილოვი აინტერესებს, და არც სააკიანი.

იქნებ ეგ ბიჭი მაინც დავიცვათ ნაც-ქოცური ორომტრიალისგან, რომელიც თითოეულ მათგანს გვწამლავს, ერთმანეთთან ჩხუბში გვაბამს და ერთმანეთს გვაზიზღებს.
იქნებ ეგ სუფთა ადამიანი მაინც დავიცვათ ამისგან. არაფერს არ თხოვს ის თავის ქვეყანას, უბრალოდ ფეხბურთს თამაშობს და ამით ცხოვრობს. ყველანაირი კრიტიკა გასაგებია, იქ ვერ დაარტყა, აქ ცუდად ითამაშა და ასე შემდეგ, რამდენიც გინდათ წერეთ, უბრალოდ პოლიტიკური იარლიყების მიწეპებას თავი დაანებეთ რა :(
რათქმაუნდა ჩვენთვის მიუღებელ პოლიტიკოსებსაც აქვთ უფლება ფეხბურთი უყვარდეთ, გახარიამაც დაწერა ხვიჩაზე საქებარი პოსტი და მელიამაც, მათ ფეხბურთის სიყვარულს ვერ აუკრძალავ და ვერც პოსტის დაწერის უფლებას შეუზღუდავ, უბრალოდ შავი პიარის აგორება და ამ ბიჭისთვის რომელიმე პარტიისთვის მიკუთვნება არის დანაშაული და იქნებ გავცდეთ როგორმე ამ ჭაობს. ეგ ადამიანი ყველა პარტიაზე დიდია და თვითონ პარტიების წარმომადგენლები უნდა უფრთხილდებიდნენ, რომ რაიმენაირად პოლიტიკასთან არ დააკავშირონ, იმიტომ რომ ფეხბურთელი ყველა იდეოლოგიის ადამიანისთვის უსაყვარლესია და ასე უნდა დარჩეს!!
არცერთ ვარიანტში არ იმსახურებს ელემენტარული დისკომფორტი იგრძნოს საკუთარი ქვეყნისგან ამის გამო.
უბრალოდ თავი დაანებეთ!
არავინ გაძალებთ მის სიყვარულს, უამრავი მაგარი ფეხბურთელია, ვინც არ მიყვარს მაგრამ შავ პიარს არ ვუგორებ. იქნებ მოითმინოთ ეგ დისკომფორტი, რაც მისი არსებობის გამო გაქვთ და ცოცხლად არ შეჭამოთ!