მოგეხსენებათ, გუშინ ხვიჩა კვარაცხელიას "ნაპოლი" "ლაციოს" დაუპირისპირდა და 2:1 დაამარცხა.მორიგი გამორჩეული შეხვედრა ჩაატარა ხვიჩა კვარაცხელიამ, ქართველმა შეხვედრის 61-ე წუთზე ულამაზესი გოლი გაიტანა და მატჩის ბედიც გადაწყვიტა.
ცნობილი გამოცემები "კვარას" თამაშით აღფრთოვანებას ვერ მალავენ და მის შესახებ წერენ:
"ახალმა სუპერვარსკვლავმა კვლავ გაიბრწყინა! "ნაპოლიმ" შეხვედრა მისი წყალობით შემოატრიალა, გასაოცარი მოთამაშეა, ყოჩაღ ნეაპოლური გუნდის სკაუტებს"
BT Sport-ი
"ძნელია "მარადონას" სტადიონზე უკეთესი დებიუტი გქონდეს, ქართველმა ელეგანტური მოძრაობებით ნეაპოლელ ქომაგებს თავისი კლასი კიდევ ერთხელ დაუმტკიცა, ხვიჩა თამაშს იდეალურად გრძნობს და ყველაზე მთავარი - დრიბლინგი შიშის გარეშე, 21 წლის ფეხბურთელი ნამდვილი კაცივით თამაშობს, "ნაპოლის" ემბლემაზე კოცნა კი მის
Sky Sport.it
"ნაპოლის" მომავალი საიმედო ხელშია, მათი შანსები ამ სეზონში კიდევ უფრო გაიზარდა, ამის მიზეზი? - ხვიჩა კვარაცხელია, ახალწვეული, რომელმაც 5 შეხვედრაში 4 გოლი და 1 საგოლე პასი მიითვალა, გადამწყვეტ მომენტში ყოველთვის იტანს, "სტადიო ოლიმპიკოზე" პირველი იყო, ვინც თავი ასწია და გუნდს გამარჯვებისკენ წინ გაუძღვა, ესეც დიდი პიროვნებებისთვის დამახასიათებელი ნიშანია. 21 წლის ბიჭი ნეაპოლში შორეული აღმოსავლეთიდან, შიშის გარეშე და დიდი კლასით ჩამოვიდა
La Gazetta dello Sport-ი
"კვარაცხელია კვლავ მთავარი გმირია, 3 ქულის მომტანი გოლი გააქვს და დუბლის შესრულებამდე სულ ცოტა აკლდება, რომ არა ძელი, სეზონის ერთ-ერთ საუკეთესო გოლს გაიტანდა, ხვიჩამ "ლაციო" გაანადგურა".
Eurosport.it
"ქართველის თამაშით იტალიაში ტკბობას განაგრძობენ, ის არამხოლოდ ტექნიკური, არამედ ჭკვიანი მოთამაშეცაა, გონებრივად სწრაფი, აქვს ყველანაირი თვისება, რათა სუპერვარსკვლავი გახდეს".
Goal.com
ხვიჩას "ნაპოლი" მორიგ შეხვედრას ოთხშაბათს გამართავს, სპალეტის გუნდი ჩემპიონთა ლიგაზე "ლივერპულს" დაუპირისპირდება, შეხვედრა თბილისის დროით 22:45 საათზე შედგება.
მარადიული ქალაქის ცაზე კვარას კომეტა გამოჩნდა
ხვიჩას რომაული სპექტაკლი - წინ "ლივერპულთან" მატჩია [VIDEO]
ნახეთ რა გაისროლა კვარაცხელიამ? [VIDEO]
