სერია A-ს მეცხრე ტურში „ნაპოლიმ“ გასვლაზე „კრემონეზე“ 4:1 დაამარცხა.
ხვიჩა კვარაცხელიამ „ნაპოლის“ ამ სეზონში მესამე თერტმეტმეტრიანი მოუპოვა და მორიგი საგოლე გადაცემა გააკეთა, „კრემონეზეში“ კი ლუკა ლოჩოშვილმა შეუცვლელად ითამაშა.
მატჩი სტუმართა შეტევებით დაიწყო და რაჰმანის მიერ დარტყმული ბურთი ხარიხას მოხვდა. მასპინძლებმა სწრაფი კონტრიერიშით უპასუხეს და ძანიმაკიას დარტყმული ბურთი მერეტის კარის ხარიხას მოხვდა. 26-ე წუთზე კვარაცხელია საჯარიმოში ბიანჩეტიმ წააქცია, მსაჯმა პენალტი დანიშნა და პოლიტანომ „ნაპოლი“ დააწინაურა.
შესვენების შემდეგ დესერსმა ანგარიში გაათანაბრა. შეცვლაზე შესულმა სიმეონემ 76-ე წუთზე ნეაპოლელები წინ გაიყვანა, კომპენსირებულ დროში ხვიჩას პასით ლოზანომ გაიტანა, ხოლო ზედ საფინალო სასტვენის წინ ოლივეირამ საბოლოო ანგარიში დააფიქსირა.
„ნაპოლი“ 23 ქულით ლიდერია, უახლოეს მდევარ „ატალანტას“ 2 ქულით უსწრებს და 12 ოქტომბერს ჩემპიონთა ლიგაზე „აიაქსს“, 16 ოქტომბერს კი იტალიის პირველობაზე „ბოლონიას“ უმასპინძლებს.
კრემონა. „ჯოვანი ძინი“
კრემონეზე - ნაპოლი 1:4
გოლები: 0:1 პოლიტანო (26, პენ), 1:1 დესერსი (48), 1:2 სიმეონე (76), 1:3 ლოზანო (90+3), 1:4 ოლივეირა (90+6)
![alt](/pictures/image50/79b1efb6cbc2e6e00f44e90f1c114d84.jpg "ხვიჩას მოპოვებული პენალტი და საგოლე პასი - "ნაპოლიმ" გაიმარჯვა")
მატჩის დღე! კვარაცხელია ქართული დუელისთვის ემზადება
![სერია A-ში მაისში საუკეთესოდ კვარაცხელიას გოლი დაასახელეს [VIDEO]](/pictures/image7/6adc6ec3baa53a6967b49e65ce176607.jpg "სერია A-ში მაისში საუკეთესოდ კვარაცხელიას გოლი დაასახელეს [VIDEO]")
![108 სტუმარი დაბადების დღეზე, მათ შორის, დე ლაურენტისი და სპალეტიც - ზელინსკი "ნაპოლის" გრანდიოზულად დაემშვიდობა [VIDEO]](/pictures/image7/00375036d1361718c3e37f7f6aafa1e6.png "108 სტუმარი დაბადების დღეზე, მათ შორის, დე ლაურენტისი და სპალეტიც - ზელინსკი \"ნაპოლის\" გრანდიოზულად დაემშვიდობა [VIDEO]")
უფალი შეგეწიოს ბაბუ,შენს ჭკუაგონებას და ფეხებს ვენაცვალე.
ღმერთო!დაიფარე და დაიცვე ეს ბიჭი:ავისაგან,ბოროტისაგან,ეშმაკის მოსწრაფებისაგან,ცოდვებში დაცემისაგან,ყველგან გამარჯვებები აზეიმე,დიდი საფეხბურთო მწვერვალები დააპყრობინე,საქართველოს სადიდებლად და მოყვასის გასახარად ამინ!
პასებს არ აძლევენ მაგრამ თავის საქმეს 5 ასრულებს.
ბრავო ხვიჩა!!!