დიეგო არმანდო მარადონას სახელობის მოედანზე სერია A-ს ლიდერმა "ნაპოლიმ" "ბოლონია" 3:2 დაამარცხა... უნდა აღინიშნოს, რომ ტიაგო მოტას ბიჭებმა მშვენიერი შეხვედრა ჩაატარეს და დიდი ხნის განმავლობაშიც "პარტენოპეის" მნიშვნელოვან 2 ქულას აკარგვინებდნენ.
მატჩის მიწურულს ნეაპოლელთა ერთ-ერთმა პროტაგონისტმა ხვიჩა კვარაცხელიამ ოსიმენს კევინ დე ბრუინის სტილში ჩინებული გადაცემა გაუკეთა და ტაბლოზეც საბოლოო ანგარიში გამოისახა.
DAZN-თან პირდაპირ ეთერში ხვიჩას ყოფილი ფეხბურთელი, ჯამპაოლო პაზინი აქებს... "მილანისა" და "ინტერის" ექსშემტევმა ქართველზე თქვა, რომ სერია A-ს ოქროს ბიჭუნაა, მეტიც, რაფაელ ლეაოსა და მილინკოვიჩ სავიჩზე უკეთესი ფეხბურთელია, ამ სამეულიდან
77-ნომრიან ბიჭუნას აირჩევდა.
"ვფიქრობ, ეს ხედვა დამსახურებულია, რადგან ის ყველას გაოცებას აგრძელებს. ის უწყვეტად გვაჩვენებს წარმოუდგენელ ფეხბურთს, ძლიერი ბიჭია და საკუთარი უნარების კიდევ უფრო მეტად განვითარება შეუძლია. საქმე იქითკენ მიდის, რომ ხვიჩა მატჩში საშუალოდ 1 გოლსა და ასისტს შემოგვთავაზებს" - განაცხადა პაზინიმ.
შეგახსენებთ, კვარაცხელიამ "ნაპოლიში" უკვე 14 მატჩი ჩაატარა და თავი 7 გოლსა და 6 საგოლე გადაცემას მოუყარა, ასევე, 3 პენალტიც გამოიმუშავა.
მომზადებულია spazionapoli-ს მიხედვით
![alt](/pictures/image50/1d5c053ac00dafd3158e8c54f6625719.png ""საქმე იქით მიდის, რომ ხვიჩა 1 მატჩში 1 გოლსა და ასისტს შემოგვთავაზებს" - "მილანისა" და "ინტერის" ყოფილი ფეხბურთელი ქართველით აღტაცებულია")
მორიგი მატჩის მოგებით გახარებული სპალეტი გაიქცა და ხვიჩას ზურგზე შეახტა [VIDEO]![alt](/pictures/image50/21e4c5345a4f2a44001a0a6a797fb7fb.jpg ""საქმე იქით მიდის, რომ ხვიჩა 1 მატჩში 1 გოლსა და ასისტს შემოგვთავაზებს" - "მილანისა" და "ინტერის" ყოფილი ფეხბურთელი ქართველით აღტაცებულია")
დიდებული კვარაცხელიას მორიგი საგოლე პასი - "ნაპოლიმ" ლიდერობა დაიბრუნა [VIDEO]
