დიდი ბრიტანეთის ყოველდღიური გაზეთი The Times-ი იტყობინება, რომ "ნაპოლის" გარემარბ ხვიჩა კვარაცხელიას სამსახურით "ნიუკასლი" დაინტერესდა და არა მარტო დაინტერესდა, არამედ მისი მფლობელები მზად არიან ტრანსფერში 50 მილიონი ფუნტი გადაიხადონ.
გამოცემის მტკიცებით, ქართველს "კაჭკაჭების" წარმომადგენლები მსოფლიოს ჩემპიონატამდე აკვირდებოდნენ, ძალიან მოეწონათ და ზამთარში ან ზაფხულში მის შეძენას შეეცდებიან.
"ნიუკასლი" 2021 წელს საუდის არაბეთის სუვეენულმა ფონდმა 300 მილიონ ფუნტად იყიდა, გუნდი პრემიერლიგაში ამჟამად მესამე ადგილზეა და კლუბის ფინანსური შესაძლებლობებიდან გამომდინარე, დიდი მიზნები აქვთ დასახული.
ამ გუნდის ღირსებას სამი სეზონის განმავლობაში თემურ ქეცბაია იცავდა.
ადრე
კვარაცხელიას სამსახურით "ლიდსი" და "ტოტენჰემი" იყვნენ დაინტერესებული, მაგრამ "რუბინის" მიერ მოთხოვნილი თანხა, 20 მილიონი ევრო ეძვირათ, ახლა კი "ნიუკასლი" მზადაა თითქმის სამჯერ მეტი გადაიხადოს.
"ნაპოლის" კვარაცხელიას იარაღი ჯერ არ აუმოქმედებია - "ვილიარეალთან" რაჰმანი ბრუნდება...
