"ნაპოლის" ნახევარმცველი ხვიჩა კვარაცხელია აშშ-შიც კი ძალიან პოპულარულია. ამას წინათ "ნიუ იორკ თაიმსის" ჟურნალისტი რორი სმიტი ხვიჩას ნეაპოლში ეწვია და ინტერვიუ ჩამოართვა, ახლა კი CBS Sports-ის კორესპონდენტი გილემ ბალაგე ორი დღით თბილისში ჩამოვიდა და კვარაცხელიას ოჯახი მოინახულა.
ამერიკულმა ტელეკომპანიამ "კვარაზე" რეპორტაჟის მომზადება გადაწყვიტა და ბალაგეს სტუმრობის მიზეზიც ეს იყო.
ბალაგეს თბილისში ვიზიტი CBS Sports-მა გააშუქა. გადაცემაში ტიერი ანრი, ჯეიმი კარაგერი და მიკა რიჩარდსი მონაწილეობდნენ. წამყვანმა აღნიშნა, რომ ბალაგემ ჯორჯიის შტატიდან საქართველოში ჩამოსასვლელად 10 ათას კილომეტრზე მეტი დაფარა.
"ნაპოლიში" გადასვლამდე სპალეტის დიდხანს ვესაუბრე, რა მიყვარს ყველაზე მეტად? - ხვიჩა კვარაცხელიას ინტერვიუ The New York Times-თან
