იტალიის ჩემპიონატის 31-ე ტურში ლიდერ "ნაპოლის" მთავარი კონკურენტი "ლაციო" დამარცხდა. დღეს, 23 აპრილს, თბილისის დროით 22:45 საათზე კარგი აფიშა გვაქვს - "იუვენტუსი" ხვიჩა კვარაცხელიას გუნდს უმასპინძლებს. მატჩს სატურნირო ამბები, გარკვეულწილად, ჩრდილავდა, მოულოდნელად კი დიდი ინტრიგა დაბრუნდა. ტურინინელებს ჩამოკლებული 15 ქულა დაუბრუნეს და ალეგრის გუნდი ჩემპიონთა ლიგაზე მოსახვედრად სერიოზულ განაცხადს აკეთებს. ეს მილანურ კლუბებს, რომლებიც აქ ახლა ნახევარფინალში არიან, მომავალ წელს ამ ტურნირზე მოხვედრას ურთულებს, თუკი, რასაკვირველია, რომელიმემ უეფას მთავარ საკლუბო შეჯიბრებაზე წელს არ გაიმარჯვა. გუნდებს შორის სხვაობა 16 ქულაა. თუკი ![Sportall.Ge](/pictures/artimages/original/bdec25319759beb7eab548a6f6248582.jpg "მატჩის დღე! "ნაპოლი" ჩემპიონობის გაფორმებას მიუახლოვდება თუ "იუვენტუსი" მთავარი კონკურენტი გახდება?")
ბოლო დროის ამბების გამო "ნაპოლი" კარგ ხასიათზე ვერაფრით იქნება, თუმცა აქ ჩემპიონობასთან ისე ახლოს არიან, ეს საქმე ბოლომდე უნდა მიიყვანონ. ლუჩანო სპალეტის გუნდს ტრავმის გამო მარიო რუი, მატეო პოლიტანო და ჯოვანი სიმეონე დააკლდებიან, სხვა ცვლილებები კი მოთამაშეთა ფიზიკური კონდიციებიდან გამომდინარე უნდა იყოს. ხვიჩა კვარაცხელიასა და ვიქტორ ოსიმენს განსაკუთრებული დაძაბვა არ სჭირდებათ, თავადაც მშვენივრად იციან, რომ გატანა ძალიან სჭირდებათ და ეს კარგ ხასიათზე მოიყვანთ. ნიგერიელმა "მილანის" კარი გვიან, მაგრამ მაინც აიღო, ჩვენებურს კი 19 მარტის შემდეგ შედეგიანი მოქმედება არ ჰქონია. "კვარა" ყველაფერს დაძლევს, ამის გვჯერა. "იუვენტუსთან" პირველი წრის დაპირისპირების წინაც საუბარი კრიზისზე იყო, ქართველმა გარემარბმა კი მონაწილეობა, ფაქტობრივად, ხუთივე გატანილ გოლში მიიღო და სეზონის ერთ-ერთი საუკეთესო შეხვედრა ჰქონდა.
![Sportall.Ge](/pictures/artimages/original/022a75465df7a2bad85cad6c3725c2e7.jpg "მატჩის დღე! "ნაპოლი" ჩემპიონობის გაფორმებას მიუახლოვდება თუ "იუვენტუსი" მთავარი კონკურენტი გახდება?")
"იუვენტუსი" საკუთარ მოედანზე ძლიერი გუნდია. აბა, გასვლაზე მოპოვებული ქულებით ერთ-ერთი ყველაზე ცუდი მაჩვენებელი აქვს. ძალიან დაძაბულ და საინტერესო შეხვედრას ველით.
"ნაპოლიმ" ამ სტადიონზე ბოლოს 2018 წელს მოიგო. იმ მატჩში მათგან ვინც მონაწილეობდა, ახლა ვერავინ ითამაშებს, მარიო რუი ტრავმირებულია, დანარჩენები კი ნეაპოლელთა რიგებში აღარ გამოდიან. დაუვიწყარი იყო 2019 წლის შეხვედრა (4:3), კრიშტიანო რონალდოს გოლი და კულიბალის ავტოგოლით გაფორმებული გამარჯვება 92-ე წუთზე. მატჩს ფაბრი განსჯის.
![alt](/pictures/image50/7f8ecd08f995c0d403b59766e3147e50.jpg ""კვარა" ყველაფერს შეძლებს... - ტურის მატჩი ხასიათზე მოსულ "იუვენტუსთან"...")
"ნაპოლისთან" შეხვედრამდე "იუვენტუსს" ჩამოკლებული 15 ქულა დაუბრუნეს
![alt](/pictures/image50/af27906b8974ed577d1081f013f32732.jpg ""კვარა" ყველაფერს შეძლებს... - ტურის მატჩი ხასიათზე მოსულ "იუვენტუსთან"...")
უმადურობა, სპალეტის პიოლისთან წაგებული დუელი და შემოქმედი კვარაცხელია
![alt](/pictures/image50/8835da829c40d2ee29943d6ff5498f1a.jpg ""კვარა" ყველაფერს შეძლებს... - ტურის მატჩი ხასიათზე მოსულ "იუვენტუსთან"...")
როგორი იქნება კვარაცხელია ამ მატჩის შემდეგ? - ხვიჩას ახალი სიტყვა და დიდება ამპარტავნების გარეშე!..
![ხვიჩა ნაადრევად შეცვალეს - "ნაპოლიმ" "რომა" დაამარცხა და ლიდერობა დაიბრუნა [VIDEO]](/pictures/image7/240ab75a036025365d13f8e710c768a8.jpg "ხვიჩა ნაადრევად შეცვალეს - \"ნაპოლიმ\" \"რომა\" დაამარცხა და ლიდერობა დაიბრუნა [VIDEO]")
არმინდა გაიწელოს ეს ჩემპიონობა ივნისამდე და ყოველ თამაშს შიშით ვუყურო ქულები არ დაკარგონთქო.
ლაციო აღარაა ისე საშიში ახლა როგორც იუვე. ყველამ იცოდა ისედაც, რომ ქულებს დაუბრუნებდნენ.
უპირველესად ნაპოლის ფანებმა იცოდნენ.
უცნაურია, რომ ამდენი შრომის და ამდენი მოგებული თამაშის მერე, კიდე არის საფრთხე ჩემპიონობის დაკარგვის.
ეგერ არსენალმა ფაქტობრივად დაკარგა.
არ მგონია სიტის მოუგოს, სიტი ფორმის პიკში შევიდა.