წინასასეზონო შეკრების ბოლო ამხანაგურ მატჩში „ნაპოლიმ“ კვიპროსის „აპოლონი“ 2:0 დაამარცხა.„ნაპოლის“ მწვრთნელმა რუდი გარსიამ ოპტიმალური შემადგენლობა დააყენა, მისი გუნდი სრულ უპირატესობას ფლობდა, ხვიჩა კვარაცხელია სასტარტოში იყო, მისი პასები ოსიმენმა და ოლივეირამ ვერ გამოიყენეს, შემდეგ მახვილი კუთხიდან არაზუსტად დაარტყა და პირველი ტაიმი 0:0 დასრულდა.
მეორე ტაიმში „ნაპოლიმ“ უფრო აქტიურად შეუტია, კვარაცხელიამ საჯარიმოში პასი ოლივეირას გაუკეთა, მან ოსიმენი მოძებნა და ნიგერიელმა ანგარიში გახსნა. 65-ე წუთზე რუდი გარსიამ მოედნიდან წამყვანი ფეხბურთელები და მათ შორის „კვარა“ გაიყვანა, შეცვლაზე შესული სიმეონე კი მეკარესთან პირისპირ გავიდა,
გაიტანა და საბოლოო ანგარიში დააფიქსირა.
ერთი სიტყვით, "ნაპოლიმ" ძალდაუტანებლად, ნება-ნება თამაშით ადვილი გამარჯვება მოიპოვა და 19 აგვისტოს სერია A-ს პირველ ტურში სტუმრად „ფროზინონეს“ დაუპირისპირდება.
კასტელ დი სანგრო. „ტეოფილო პატინი“. 7 400 მაყურებელი
ნაპოლი - აპოლონი 2:0
გოლები: 1:0 ოსიმენი (60), 2:0 სიმეონე (71)
![alt](/pictures/image50/24c3cafecddec94f662d8afb207d6e5b.jpg "ხვიჩას წამოწყებული საგოლე კომბინაცია - "ნაპოლიმ" "აპოლონს" სძლია")
დღეს - კვარაცხელიასა და კვერნაძის მატჩები, მამარდაშვილი "სევილიას" წინააღმდეგ და "სიტის" სტარტი...
![კონტემ ფეხბურთელებს სიქა გააძრო და პრობლემები შეუქმნა - მასზე ტიფოზები იმედებს ამყარებენ [VIDEO]](/pictures/image7/93d79194b4abb8fa8de9d7a06dcfa6a6.jpg "კონტემ ფეხბურთელებს სიქა გააძრო და პრობლემები შეუქმნა - მასზე ტიფოზები იმედებს ამყარებენ [VIDEO]")
![ხვიჩა კვარაცხელია "ნაპოლის" ვარჯიშზე ახალი ნომრით გამოჩნდა [PHOTO]](/pictures/image7/9950b21a032d289815feb37be64fdbd4.png "ხვიჩა კვარაცხელია \"ნაპოლის\" ვარჯიშზე ახალი ნომრით გამოჩნდა [PHOTO]")
