ჩემპიონთა ლიგის ჯგუფური ეტაპის პირველ ტურში, პირველი ტაიმის შემდეგ „ნაპოლი“ გასვლაზე „ბრაგას“ ამარცხებს - 1:0.შეხვედრა სწრაფ ტემპში დაიწყო და მომენტები ორივე გუნდმა შექმნა, მაგრამ ორტას და ოსიმენს გატანა მეკარეებმა არ დაანებეს. შემდეგ კვარაცხელიას ჩაწოდებული ბურთი ოსიმენმა დაარტყა და მეკარე მატეუსმა იხსნა თავისი გუნდი. მერე მან დო ლორენსოცაც არ გაატანინა. „ნაპოლი“ თანდათან უპირატესობას დაეუფლა, ხვიჩას დაგორებული ბურთი ოსიმენმა დაარტყა და პორტუგალიელები ამჯერად ხარიხამ იხსნა. უნდა ითქვას, მასპინძლები სწრაფი კონტრიერიშებით პასუხობდნენ და სახიფათონი იყვნენ. 35-ე წუთზე კარის წინ მცველთან ბრძოლაში ვიქტორი
წაიქცა, მსაჯმა ვიდეოგამეორება ნახა და პენალტი არ დანიშნა. კომპენსირებულ დროში კი საჯარიმოში "კვარას" ჩაწოდებული ბურთი ოსიმენისგან დი ლორენცოს მიუვიდა და კაპიტანმა უძლიერესი დარტყმით სტუმრები დააწინაურა.
ბრაგა. "ესტადიო მუნიციპალი"
ბრაგა - ნაპოლი
გოლი: 0:1 დი ლორენცო (45+2)
მატჩის დღე - კვარაცხელია, ჩემპიონთა ლიგის გასული წლის აღმოჩენა, იწყებს!..
კვარა, კარში რომ უნდა დაარტყა, ეგ გადაწყვეტილება, ეგ გაბედულება მე მივიღო შენს მაგივრად? მოკლედ არ გაქვს ლიდერის თვისებები,მშიშარა ფეხბურთელი ხარ, გაუბედავი!
წიგნის კითხვა კარგია, მაგრამ პროფესიონალები გაგანია სეზონზე, წიგნებს არ კითხულობენ მატჩის წინ, პროფესიონალი გონებაში ნახაზებს ადგენს როგორ მოატყუოს მეტოქე და მთლიანად მოცულია ფეხბურთით