მსოფლიოს 1982 წლის ჩემპიონმა ფულვიო კოლოვატიმ ამ სეზონში "ნაპოლის" წარუმატებელ სტარტზე Televomero-სთან ინტერვიუში ისაუბრა და ხვიჩა კვარაცხელია და ვიქტორ ოსიმენი შეცვლებისას უკმაყოფილების გამოხატვის გამო გააკრიტიკა:
"რუდი გარსიას ჩემპიონატზე კარგი დასაწყისი არ გამოუვიდა. სიტუაციას ზოგიერთი ფეხბურთელის ნერვული მდგომარეობა ართულებს. როდესაც ორი თვის წინ "ნაპოლის" ახალი მწვრთნელის არჩევა მოუწია, გასაგები იყო, რომ ლუჩანო სპალეტის ნებისმიერი მემკვიდრე სირთულეებს გადააწყდებოდა. გასულ სეზონში სკუდეტო 16 ქულის უპირატესობით მოიგეს. ეს რაღაც ისტორიული და განუმეორებელი იყო.
"კვარას" და ოსიმენს იმის გამო, როგორც მოიქცნენ, 3-4 თამაშით სათადარიგოთა შორის
დავტოვებდი. როგორ ბედავენ გარსიას არჩევანის განხილვას? მწვრთნელს შეუძლია მიიღოს გადაწყვეტილებები, რომლებიც უნდა, შემდეგ კი შეცდომის შემთხვევაში პასუხისმგებელი იქნება.
ანგისაც არაა ფორმაში, ხოლო ლობოტკა მოედანზე დადის. არის მოტივაციის პრობლემა და ზოგიერთ ფეხბურთელს ინდივიდუალობის გამოვლინება მართებს. მწვრთნელს თავისი ვალდებულებები გააჩნია, მაგრამ ისეთმა ელემენტებმა, როგორიც ოსიმენი და კვარაცხელია არიან, გადაცემათა კოლოფი უნდა გადართონ".
![alt](/pictures/image50/f6f9036e4ff37e2d0759675e6c232fc8.png "ფულვიო კოლოვატი: "კვარას" და ოსიმენს 3-4 თამაშით სათადარიგოთა შორის დავტოვებდი")
"რაც მან გააკეთა, საგანგაშოა" - დი კანიო ოსიმენზე
![ხვიჩა ნაადრევად შეცვალეს - "ნაპოლიმ" "რომა" დაამარცხა და ლიდერობა დაიბრუნა [VIDEO]](/pictures/image7/240ab75a036025365d13f8e710c768a8.jpg "ხვიჩა ნაადრევად შეცვალეს - \"ნაპოლიმ\" \"რომა\" დაამარცხა და ლიდერობა დაიბრუნა [VIDEO]")
ოსიმენი და კვარაცხელია არიან ელემენტები? ერთი იტალიის საუკეთესო ბომბარდირია, მეორე იტალიის საუკეთესო ფეხბურთელი. ოეეე, გაიღვიძეთ, მონები და კოლონიები აღარ არსებობენ