სერია A-ს მეცხრე ტურში „ნაპოლიმ“ გასვლაზე „ვერონა“ 3:1 დაამარცხა, ხვიჩა კვარაცხელიამ კი ორი გოლი გაიტანა.მატჩი მოულოდნელად მასპინძელთა შეტევებით დაიწყო და მეკარე მერეტს ორჯერ მოუწია ბურთის მოგერიება, რის შემდეგაც უპირატესობას სტუმრები დაეუფლენ, რომელთა რიგებში ტრავმირებული ოსიმენი არ იყო - ორჯერ თავისი გუნდი მეკარე მონტიპომ გადაარჩინა, 27-ე წუთზე კი პოლიტანომ „ნაპოლი“ დააწინაურა. მორიგი იერიშისას კაიუსტემ კარგი შანსი გაუშვა ხელიდან. კვარაცხელიას ყურადღებით მეურვეობდნენ, უხეშობასაც არ ერიდებოდნენ, მსაჯმა ფარაონი“დაინდო“, მარიანის კი ყვითელი ბარათი უჩვენა. 43-ე წუთზე კი ხვიჩა ფარაონის გაექცა და ანგარიში გაზარდა,
ხოლო მის აღნიშვნას შეხლა-შემოხლა და ფარაონის გაფრთხილება მოჰყვა.
შესვენების შემდეგ „კვარამ“ მცველები და მეკარე გააბითურა და დუბლი შეასრულა. ვერონელებმა საპასუხო იერიშებით უპასუხეს და შეცვლაზე შესულმა ლაზოვიჩმა ანგარიში შეამცირა. კვარაცხელია 76-ე წუთზე შეცვალეს და ნეაპოლელმა გულშემატკივრებმა მოედნიდან აპლოდისმენტებით გააცილეს.
„ნაპოლი“ 17 ქულით მეხუთე ადგილზეა და შემდეგ შეხვედრას 24 ოქტომბერს ჩემპიონთა ლიგაზე ბერლინში „უნიონთან“ ჩაატარებს.
ვერონა. „მარკ ანტონიო ბენტეგოდი“
ვერონა - ნაპოლი 1:3
გოლები: 0:1 პოლიტანო (27), 0:2 კვარაცხელია (43), 0:3 კვარაცხელია (54), 1:3 ლაზოვიჩი (60)
![alt](/pictures/image50/73e72c8132aa3c152ab935ec9060e822.jpg "ხვიჩამ გაიბრწყინა, დუბლი შეასრულა და "ნაპოლიმ" სტუმრად "ვერონას" სძლია [VIDEO]")
"ნაპოლისა" და "ვერონას" ფანები მატჩის წინ ერთმანეთს დაუპირისპირდნენ [VIDEO]
![ლობოტკა "ბოლონიასთან" მარცხის შემდეგ ატირდა [VIDEO]](/pictures/image7/a5274faad7ee62d703538dff3086c16f.jpg "ლობოტკა \"ბოლონიასთან\" მარცხის შემდეგ ატირდა [VIDEO]")
ახლა იმას ვერ იძახიან, გოლები ვერ გააქვსო და აღნიშვნის დაწუნებაზე გადასულან. საწყლები.
როგორც უნდა ისე აღნიშნავს და სადაც უნდა.
დაოკდით