სერია A-ს 26-ე ტურში, სტუმრად „სასუოლოსთან“ მოგებულ მატჩში (6:1), „ნაპოლის“ გარემარბმა ხვიჩა კვარაცხელიამ დუბლი შეასრულა და საგოლე გადაცემა გააკეთა. შეხვედრის დასრულების შემდეგ კომენტარი ნეაპოლური გუნდის მწვრთნელმა ფრანჩესკო კალცონამ DAZN-თან გააკეთა:
"ოსიმენი თავის დონეს უბრუნდება. მას აფრიკის თასზე ასპარეზობის გამო სირთულეები ჰქონდა. დაბრუნდა და ნელ-ნელა ბრუნდება მწვერვალზე. იმავეს ვიტყვი "კვარაზე", რომელმაც რთული პერიოდი გადაიტანა და დღეს დაამტკიცა, რაც შეუძლია. დაიბრუნა თუ არა სულიერი სიმშვიდე? ამაში თავიდანვე დარწმუნებული ვიყავი. ამ ბიჭებმა დამარწმუნეს და ეს გამ
არჯვება ჩემთვის მოულოდნელობა არ იყო. გუნდი ვარჯიშებზე თავს არ ზოგავდა და ვხედავდი, როგორ იზრდებოდა ინტენსივობა. კიდევ ცოტა დრო გვჭირდება, კარგი წინათგრძნობა მაქვს.
ჩემპიონთა ლიგაზე გასვლა? რთული კალენდარი გვაქვს, მატჩიდან მატჩამდე უნდა წავიწიოთ წინ. შევეცდებით, რაც შეიძლება მეტი გამარჯვება მოვიპოვოთ და სეზონის ბოლოს ვნახავთ, სად აღმოვჩნდებით...
კვარაცხელია და ოსიმენი? სხვადასხვა მიზეზის გამო პრობლემები ჰქონდათ, მაგრამ თავდაუზოგავად ვარჯიშობდნენ და მათ შორის არავითარ კონფლიქტს არ ჰქონია ადგილი. სულელი კი არ ვარ, ასეთი დონის ფეხბურთელების გარეშე დავიტოვო თავი, მაგრამ თუ ვხედავ, რომ ინტენსივობა იკარგება, მოედანზე ისინი შემყავს, ვისაც მეტი ძალისხმევის გაღება შეუძლია".
უპირობოდ საუკეთესო - როგორი შეფასება მიიღო კვარაცხელიამ "სასუოლოსთან" მატჩში
დუბლი და საგოლე პასი "სასუოლოსთან" - ძველი ხვიჩა დაგვიბრუნდა [VIDEO]
ბრწყინვალედ შეასრულა - კვარას დუბლი "სასუოლოს" წინააღმდეგ [VIDEO]
ხვიჩას სუპერგოლი "სასუოლოს" წინააღმდეგ [VIDEO]
ხვიჩას საგოლე პასი და ოსიმენის ჰეთთრიქი - "ნაპოლი" "სასუოლოს" ანადგურებს [VIDEO]
ვისაც ოდესმე რამე სპორტში რაღაც დონეზე უთამაშია გეცოდინებათ, რომ არიან მოთამაშეები, რომლებიც უკეთეს შედეგს აჩვენებენ, როცა მწვრთნელისგან ე.წ. “ტისკი” აქვთ. ზოგს სჭირდება ეს წნეხი რომ დაამტკიცოს, რომ შეუძლია.
თუ გახსოვთ სპალეტიც სულ 70-ე წუთზე ცვლიდა. არ ვიცი, იქნებ რაღაც მსგავსი ფორმით კალცონამაც მოახერხოს მისი ხასიათის და ტალანტის გამოღვიძება? იქნებ პირიქით, ეს ცვლილებები და თუნდაც სკამზე დასმა წაეხმაროს მოტივაციაში??