ხვიჩა კვარაცხელია საქართველოს ნაკრებთან ერთად ევროპის ჩემპიონატის საგზურის მოპოვების შემდეგ, დღეს დილით ნეაპოლში ჩავიდა და Pineta Grande-ს კლინიკაში სამედიცინო შემოწმება გაიარა.
კვარაცხელიას მარცხენა ბარძაყის მომხრელი კუნთის ძლიერი შეჭმუხვნა დაუდგინდა და 30 მარტს "ატალანტასთან" მისი თამაში ძალიან საეჭვოა.
ხვიჩამ კასტელ ვოლტურნოს ბაზაზე თერაპიის კურსი გაიარა და სატრენაჟორო დარბაზში მსუბუქად დაიტვირთა. ნეაპოლური გამოცემების ცნობით, ხვიჩას ბერგამოელებთან მატჩში მონაწილეობის საკითხი უახლოეს საათებში გადაწყდება, თუმცა ამის შანსი მცირეა და მის ნაცვლად სასტარტოში, სავარაუდოდ, ჯაკომო რასპადორი იქნება.
არა უშავს, "ნაპოლის" უფრო მაღალანაზღაურებადი ფეხბურთელებიც ჰყავს და ქართველის
გარეშე ფონს გასვლას შეეცადონ. მთავარია, "კვარამ" ტრავმა ბოლომდე მოირჩინოს, შემდეგ კლუბში ითამაშოს და ივნისში ჩვენს ეროვნულ გუნდს სათანადოდ დაეხმაროს.
ნაკრების ექიმმა კვარაცხელიას და შენგელიას ტრავმებზე კომენტარი გააკეთა
