სტუმრები ინიციატივას ფლობდნენ, სწრაფი კონტრშეტევისას კი მიქაუტაძემ კარიდან წინ გამოსულ მეკარე მანდანდას ბურთი თავზე გადაუგდო და თავისი გუნდი დააწინაურა. "რენმა" მალე ანგარიში გაათანაბრა. თუმცა, პირველი ტაიმის დასასრულს მიქაუტაძის პასით დიალომ მასპინძლები წინ გაიყვანა.
შესვენების შემდეგ თამაში ორმხრივი შეტევებით მიმდინარეობდა. 69-ე წუთზე გიორგიმ დიალო მანდანდას პირისპირ შეჰყარა, რომლის დარტყმული ბურთი კარის ხაზიდან მცველმა ტეატემ გამოიტანა. საპასუხო იერიშისას „რენმა“ პენალტი მოიპოვა და ბურიჟომ ანგარიში გაათანაბრა. „მეცი“ შტურმზე გადავიდა, კონტრშეტევისას გოლი გაუშვა, ბოლოს კალიმუენდოსთან შეჯახების გამო მიქაუტაძე მსაჯმა გააძევა და შეხვედრაც დასრულდა.
მიქაუტაძემ ზედიზედ მეხუთე მატჩში გაიტანა, მის ანგარიშზე "მეცში" დაბრუნების შემდეგ 10 გოლია, სულ კი მიმდინარე ტურნირზე 12-ჯერ დალაშქრა მეტოქეთა კარი და 4 საგოლე გადაცემა გააკეთა. გიორგის თამაში ანალიტიკურმა საიტებმა შეაფასეს: Sofascore 7.9, whoscored. 7.0, Flashscore 6.8.
მეცი. „სენ სიმფორიენი“
მეცი - რენი 2:3
გოლები: 1:0 მიქაუტაძე (17), 1:1 გუირი (17), 2:1 დიალო (45), 2:2 ბურიჟო (73, პენ), 2:3 კალიმუენდო (90:3)
გაძევება: მიქაუტაძე (90+5, მეცი)
Tuttosport: "იუვე", შენ გახსოვს მიქაუტაძე? - მას შეუძლია "ნაპოლიში" გადავიდეს"
![უზადოდ შეასრულა - მიქაუტაძემ პორტუგალიასთან სხვაობა გაზარდა [VIDEO]](/pictures/image7/9895bc16e3631f928a34e48fe34f8ed2.jpg "უზადოდ შეასრულა - მიქაუტაძემ პორტუგალიასთან სხვაობა გაზარდა [VIDEO]")
