Corriere Dello Sport-ის ინფორმაციით, ხვიჩა კვარაცხელიას აგენტი მამუკა ჯუღელი ნეაპოლში ჩაფრინდა, სადაც დღეს "პარტენოპეისა" და "ბოლონიას" შორის სერია A-ს მე-2 ტურის შეხვედრას დაესწრება.წყაროს ცნობით, "მარადონაზე" იქნება გუნდის პრეზიდენტი აურელიო დე ლაურენტისიც, რომელიც შვებულებიდან დაბრუნდა.
ჯუღელი და დე ლაურენტისი მატჩის მერე ერთმანეთს შეხვდებიან და კვარაცხელიას კონტრაქტის გახანგლძრივებაზე ერთ-ერთ დასკვნით მოლაპარაკებას გამართავენ.
შეგახსენებთ, რომ "ნაპოლისა" და "ბოლონიას" დაპირისპირება თბილისის დროით 22:45 საათზე დაიწყება.
