ლა ლიგის მეორე ტურში „ვალენსია“ გასვლაზე „სელტასთან“ 1:3 დამარცხდა.
სტუმრები დიეგო ლოპესმა თავურით დააწინაურა, რის შემდეგაც მასპინძლები უპირატესობას დაეუფლენ და ხუთწუთიან ინტერვალში ორი გოლი გაიტანეს. ვიგოელებს მესამეს გატანაც შეეძლოთ, მაგრამ გიორგი მამარდაშვილმა 45-ე წუთზე იაგო ასპასის დარტყმული პენალტი აიღო.
მეორე ტაიმში თამაშის სურათი არ შეიცვალა, გიორგიმ სვედბერგის დარტყმული ბურთი საოცარ ნახტომში მოიგერია, თუმცა მალე მისი კარი ბელტრანმა დალაშქრა. დარჩენილ დროში "ღამურების" შეტევებმა შედეგი არ გამოიღო და საბოლოოდ - 3:1.
![Sportall.Ge](/pictures/artimages/original/b4948a63ed8d8d5581ceb7037d31cb2f.jpg "მამარდაშვილის აღებული პენალტი და მოგერიებული "მკვდარი ბურთი" - "ვალენსიამ" მაინც წააგო [VIDEO]")
"ვალენსიამ" პრიმერას სტარტზე ზედიზედ მეორე მარცხი განიცადა და 28 აგვისტოს „სან მამესზე“ „ბილბაოს“ დაუპირისპირდება.
ვიგო. „ბალაიდოსი“. 23 519 მაყურებელი
სელტა - ვალენსია 3:1
გოლები: 0:1 დიეგო ლოპესი (14), მინგესა (23), 2:1 ასპასი (28), 3:1 ბელტრანი (60)
გამოუყენებელი პენალტი: ასპასი (45+5, სელტა)
მამარდაშვილიდან კვარაცხელიამდე - "ნაპოლის" მწვრთნელს პრეზიდენტთან უკვე აალებადი ურთიერთობა აქვს...
![მამარდაშვილმა ასპასის დარტყმული პენალტი აიღო [VIDEO]](/pictures/image7/0f09b8c023d15a56a4a2ccee1d437e7a.jpg "მამარდაშვილმა ასპასის დარტყმული პენალტი აიღო [VIDEO]")
