30 წლის თავდამსხმელი ბუდუ ზივზივაძე "კარლსრუედან" ბუნდესლიგის "ჰაიდენჰაიმში" გადავიდა.
კლუბის საიტის ცნობით, ზივზივაძეს კონტრაქტი 2029 წლამდე გაუფორმეს და ახალ გუნდს საწვრთნელ შეკრებაზე პარასკევ საღამოს ალგორფში შეუერთდება.
"ბუდუს თამაშს "კარლსრუეში" უკვე კარგა ხანი ვაკვირდებოდით. იქ გასულ სეზონში აბსოლუტური ლიდერი იყო, მიმდინარე სეზონში პროგრესი კიდევ უფრო განიცადა, 17 მატჩში 12 გოლი გაიტანა და დაამტკიცა, რომ ბომბარდირის განსაკუთრებული მონაცემები გააჩნია. ამიტომ დარწმუნებული ვართ, რომ ბუნდესლიგაში ადგილის შესანარჩუნებლად დაუყოვნებლივ შეუძლია ჩვენი გუნდის დახმარება. ძალიან გვიხარია, რომ ჩვენი კლუბი აირჩია", - განაცხადა "ჰაიდენჰაიმის" მმართველი საბჭოს
"ჩემს შესაძენად "ჰაიდენჰაიმმა" დიდი ძალისხმევა გაიღო და ბუნდესლიგაში ასპარეზობის შანსის გამოყენებაზე უმალ დავთანხმდი. ახლა მინდა ჩემი წვლილი შევიტანო გუნდის ბუნდესლიგაში ადგილის შესანარჩუნებლად. მოუთმენლად ველი ჩემპიონატის განახლებას", - თქვა ქართველმა ფორვარდმა.
ka-news-ი იტყობინება, რომ ვინაიდან ბუდუს ხელშეკრულება ზაფხულში უსრულდებოდა, "კარლსრუე" ტრანსფერში 1-1.5 მილიონ ევროს მიიღებს.
ზივზივაძის ახალი გუნდი 15 ტურის შემდეგ გერმანიის ჩემპიონატზე 10 ქულით მეთექვსმეტე ადგილზეა და 11 იანვარს "უნიონს" უმასპინძლებს.
ბუდუს ახალი გუნდის ამბები - "ჰაიდენჰაიმი" "ბაიერნის" მცველსაც იმატებს და ზივზივაძის კონკურენტს ანათხოვრებს
![ზივზივაძემ გოლით და საგოლე გადაცემით "კარლსრუეს" გამარჯვება მოაპოვებინა და გაალიდერა [VIDEO]](/pictures/image7/b1d112e27d8d01286f091d7008e598ca.jpg "ზივზივაძემ გოლით და საგოლე გადაცემით \"კარლსრუეს\" გამარჯვება მოაპოვებინა და გაალიდერა [VIDEO]")
![გაატანინა, თავადაც გაიტანა - ზივზივაძე შეუჩერებელია [VIDEO]](/pictures/image7/0d40e884f8f6c1a595e25c4c4b7e377b.png "გაატანინა, თავადაც გაიტანა - ზივზივაძე შეუჩერებელია [VIDEO]")
![ბუდუს დუბლი და გამოუყენებელი პენალტი - "კარლსრუემ" გაიმარჯვა და მეოთხე ადგილზე გადავიდა [VIDEO]](/pictures/image7/04d27e9e4690204041e5c18403b0d3e8.jpg "ბუდუს დუბლი და გამოუყენებელი პენალტი - \"კარლსრუემ\" გაიმარჯვა და მეოთხე ადგილზე გადავიდა [VIDEO]")
