ევროპა ლიგის შესარჩევის მეორე ეტაპზე ორი ქართული გუნდი ითამაშებს: ქუთაისის "ტორპედო" და საჩხერის "ჩიხურა". ახალი წესების მიხედვით, ჩემპიონთა ლიგის შესარჩევიდან გამოვარდნილი გუნდი ევროპა ლიგის შესარჩევ ეტაპზე გადადის. "ტორპედოს" მიერ "შერიფის" ბარიერის ვერდაძლევის შემდეგ, მისი მომდევნო მეტოქე ევროპა ლიგის ჩემპიონთა რაუნდში ფარერების "ვიკინგური" იქნება.
"ვიკინგური" ფარერების კუნძულის ჩემპიონია, რომელიც ჩემპიონთა ლიგის პირველ შესარჩევ ეტაპზე ფინურ "ჰიკს" დაუპირისპირდა და ჯამში 5:2 დამარცხდა.
![alt](/pictures/image50/084e4cf5195832bd9008544aeaa1e440.jpg ""ტორპედოს" მეტოქე 567 კაციან სოფლიდან - რა ძალას წარმაოდგენს "ვიკინგური"?")
"ტორპედო" "შერიფთან" უშანსოდ დამარცხდა - ნახვამდის ჩემპიონთა ლიგა [VIDEO]
"ვიკინგურის" ისტორია
კლუბის ოფიციალური სახელწოდებაა "ვიკინგურ გოტა". ის 2008 წელს "გი
კლუბს ამ სოფელში საკუთარი სტადიონიც აქვს, სადაც 1600 ადამიანი ეტევა, თუმცა მხოლოდ 440 სკამია. იქიდან გამომდინარე, რომ ეს სტადიონი უეფას მოთხოვნებს ვერ აკმაყოფილებს, ისინი სოფელ ტოფრირის 6000-იან სტადიონზე თამაშობენ, სადაც სულ რაღაც 793 ადამიანი ცხოვრობს. მოკლედ, ქუთაისელებს ეგზოტიკური გასეირნება ელით.
სტადიონი, სადაც "ვიკინგური" ჩემპიონატში თამაშობს
![Sportall.Ge](/pictures/artimages/original/c390c3000795846630143b95808bd2d1.jpg ""ტორპედოს" მეტოქე 567 კაციან სოფლიდან - რა ძალას წარმაოდგენს "ვიკინგური"?")
სტადიონი, სადაც "ვიკინგური" "ტორპედოს" დახვდება
![Sportall.Ge](/pictures/artimages/original/b547f633f7ecefd36243d1b1f5a22e83.jpg ""ტორპედოს" მეტოქე 567 კაციან სოფლიდან - რა ძალას წარმაოდგენს "ვიკინგური"?")
რა ძალას წარმოადგენენ ვიკინგები?
კლუბში 5 ლეგიონერია და "ტრანსფერმარკეტზე" კლუბის საერთო ღირებულება 450 000 ევროს შეადგენს, როცა 450 000 ევრო ქუთაისის "ტორპედოში" ერთი ფეხბურთელი ღირს - გიორგი ქიმაძე.
ეს იმითაცაა გამოწვეული, რომ კლუბში ფეხბურთელთა ნაწილი თანხობრივად არ არის შეფასებული. "ჰიკთან" გამორჩეული იყო 23 წლის ფარერელი გუნარ ვატნჰამარი, რომელმაც ორივე შეხვედრაში შეძლო გოლის გატანა.
ზოგადად, ეროვნულ ჩემპიონატში კი კლუბის ბომბარდირი 33 წლის ნიგერიელი ადეშინა ლავალია, რომელსაც მიმდინარე სეზონში 5 გოლი აქვს გატანილი.
"ვიკინგებს" ქუთაისის "ტორპედოსთან" ორი ფეხბურთელი დააკლდებათ, რადგან მათ "ჰიკთან" ორივე შეხვედრაში ყვითელი ბარათი მიიღეს. ესენია: 39 წლის საყრდენი ნახევარმცველი ჰანს ჯურჰუუსი და 31 წლის მოლდოველი ლეგიონერი ადრიან კასკავალი.
გუნდის კაპიტანი 36 წლის მცველი ატლი გრეგერსენია, რომელიც ამავდროულად, ფარერების კუნძულების ნაკრების კაპიტანიცაა. "ვიკინგურიდან" ნაკრებში დაახლოებით 3 ან 4 ფეხბურთელი თამაშობს.
მოლოდინი
"ტორპედოს" მართებს, მეტოქე ორივე შეხვედრაში დაამარცხოს. ამით "შერიფთან" მარცხით გაფუჭებულ განწყობას ფეხბურთელებიც და გულშემატკივრებიც გამოიკეთებენ. ამადროულად, სარეიტინგო ქულებსაც მოიმატებენ.
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
ოდნავ ტემპის მომატება და ბებრები ვერ გაქაჩავენ, რა თქმა უნდა, თუ ფიზიკურად მომზადებული იქნებიან ქუთაისელები და არა ისე, მელოტ და ბებერ მსაჯსს რომ საცემრად გამოეკიდება ფეხბურთელი და ვერ დაეწევა, ესეთ კაცმა არ უნდა თქვას ფეხბურთელი ვარო.