ფოტო: sbm.ge
საქართველოს ფუტსალის ლიგის (უმაღლესი, პროფესიონალური ლიგა) 2019/20 წლების სეზონის ჩემპიონი თბილისის სახელმწიფო უნივერსიტეტი გახდა.
თბილისის ოლიმპიურ სასახლეში გამართული ფუტსალის ლიგის ფინალური სერიის მესამე, გადამწყვეტი მატჩი თსუ-სა და "თელასს" შორის დაძაბული და სანახაობრივი გამოდგა. შეხვედრაში ანგარიში გიორგი ტიკურიშვილმა მეორე ტაიმში გახსნა და "ენერგეტიკოსები" დააწინაურა.
"უნივერსიტეტელების" რიგებიდან ლევან კობაიძემ წონასწორობა აღადგინა და შეხვედრა დამატებით დროში გადავიდა. გიორგი ჩიმაკაძემ თამაშის განახლებიდან თხუთმეტ წამში შეძლო თსუ-ს წინ გაყვანა, მაგრამ ტიკურიშვილმა დუბლი გაიფორმა და ანგარიში გაათანაბრა. თამაშის დასრულებამდე რამდენიმე წუთით ადრე მიხეილ თევზაძემ
გადამწყვეტი გოლის გატანა შეძლო, თსუ-მ 3:2 იმარჯვა და ჩემპიონობა მოიპოვა.
თსუ საქართველოს საუკეთესო გუნდის სახელით უეფას ფუტსალის ჩემპიონთა ლიგის საკვალიფიკაციო ეტაპზე იასპარეზებს.
მომზადებულია sbm.ge-ს მიხედვით
ქართული ფუტსალის სილამაზე: თსუ-ს ფეხბურთელების საოცარი გოლი და "სეივი" [VIDEO]
მაგარი მომენტი ფუტსალის ლიგიდან: 4 მოტყუებული ფეხბურთელი და მეკარის სასწაული "სეივი" [VIDEO]
