საქართველოს ფუტსალის ლიგა 2-ის ჯგუფური ეტაპის ბოლო შეხვედრაში თსუ 2 "კავკასიის საერთაშორისო უნივერსიტეტის" გუნდს შეხვდა და მეორე ნახევარში მაყურებელმა ლამაზი საფეხბურთო მომენტი იხილა, ისეთი, საუკეთესო მიმოხილვებში რომ ხვდება.
"კავკასიის საერთაშორისო უნივერსიტეტის" შემტევმა გიორგი ღავთაძემ თსუ-ს 4 ფეხბურთელი ეფექტურად მოატყუა და ძალიან ძლიერად დაარტყა. თითქოს გოლი გარდაუვალი იყო, მაგრამ თსუ-ს მეკარე გიორგი ჯოხაძე ბურთს თითებით მისწვდა და საკუთარი გუნდი აშკარა გოლისგან იხსნა, ღავთაძეს კი ძალიან ლამაზი გოლი "მოჰპარა".
შეხვედრა "კავკასიის საერთაშორისო უნივერსიტეტის" გუნდის გამარჯვებით დასრულდა - 2:0. გოლები ბექა ბექაურმა და გიორგი ღავთაძემ (10-მეტრიანი დარტყმით) გაიტანეს.
ორივე გუნდი ფუტსალის ლიგა 2-ის ნახევარფინალში გავიდა და იქაც ერთმანეთს დაუპირისპირდებიან. ფუტსალის ლიგა 2-დან ფუტსალის ლიგაში 2 კლუბი დაწინაურდება. აღსანიშნავია, რომ თსუ 2 გამარჯვების შემთხვევაშიც ვერ აინაცვლებს ზევით, რადგან საქართველოს პირველ უნივერსიტეტს ფუტსალის ლიგაში 1 გუნდი უკვე ჰყავს, რომელიც, სხვათა შორის, ასევე ნახევარფინალშია გასული.
![alt](/pictures/image50/da22c0aa74c6fa9583f747c99a48169c.jpg "მაგარი მომენტი ფუტსალის ლიგიდან: 4 მოტყუებული ფეხბურთელი და მეკარის სასწაული "სეივი" [VIDEO]")
საქართველოს ფუტსალის ნაკრებმა ავსტრია გაანადგურა![alt](/pictures/image50/6da67b9a2e533033f51261514587f0ce.jpg "მაგარი მომენტი ფუტსალის ლიგიდან: 4 მოტყუებული ფეხბურთელი და მეკარის სასწაული "სეივი" [VIDEO]")
საქართველოს ფუტსალის ნაკრებმა კოსოვოსაც სძლია და შემდეგ ეტაპზე გავიდა
