სპორტული ჟურნალისტი და ტელეკომენტატორი ლევან სალუქვაძე ყოველთვის გამოირჩევა პირდაპირობით და დაუფარავად ამბობს სათქმელს...ამჯერად, მან სანაკრებო ბატალიები შეაფასა - ისრაელთან მარცხი და ოლიმპიადაზე მოხვედრის ხელიდან გაშვებული შანსი...
- ძალიან გულდაწყვეტილი ვართ, წავაგეთ პენალტების სერიაში... მაგრამ წავაგეთ არა ერთი მატჩი, არამედ წავაგეთ ოცნება... ოცნებების სასაფლაოა მთელი ქართული ფეხბურთის დამოუკიდებელი ცხოვრება. ჯერ ქინქლაძისა და არველაძეების თაობის გვჯეროდა, მერე იყო კიდევ სხვა გამონათებები...
მერე მაკედონიასთან მატჩის გვჯეროდა... მერე ამ თამაშის გვჯეროდა... თან ბოლო ორივე დიდი მატჩი თბილისში იყო, ჩვენს ხელში იყო ყველაფერი... მაგრამ
მე არ ვამბობ, რომ აუცილებლად მოვიგებდით, ასეთ რამეებზე ვერ გამომედავებით, მაგრამ უფრო მეტი შანსი გვექნებოდა, ხალხი რომ შეგვეშვა... მეორე იყო და, აგერ, ევროპის ჩემპიონატი, ოლიმპიადა... მთელი მსოფლიო აქ იყო, ჩვენ კი ორ საუკეთესო მოთამაშეს არ ვათამაშებთ...
მე არ ვიცი, ეს მოთამაშეების გადაწყვეტილება იყო, იმათი კლუბების, მენეჯერების, ფედერაციის, მწვრთნელების, სანიოლის თუ ვისი... არ მაინტერესებს...
მთავარი არის, ვისაც ეხებოდა ამის დარეგულირება, იმას უნდა ექნა ყველაფერი, რომ ამათ ეთამაშათ... როგორ მოხდებოდა? იმიტომ არის იქ ის ხალხი, იმიტომ მართავენ, რომ თვითონ უნდა იცოდნენ...
მესმის, რომ გადაწყვეტილება რთული მისაღები იყო, მესმის, რომ მე არ შემეკითხებოდა ვინმე, როგორ მოვქცეულიყავით და არც მაქვს ამის პრეტენზია, მაგრამ პრეტენზია იმაზე მაქვს, დამდგარ შედეგზე შეფასება გავაკეთო...
და ამ შედეგზე პასუხისმგებლობა აიღოს იმ ხალხმა, ვინც ეს გადაწყვეტილება მიიღო. და გითხრათ, რა შედეგი გაქვთ? - ოლიმპიადა გაცვალეთ კვიპროსის სამ ქულაში!..
თუ ეს არის თქვენი მენეჯმენტი, მაშინ ასე გააგრძელეთ. გაუფუჭეთ ხასიათი ყველას! გადაღლილი-გადმოღლილი... პატარა ბიჭები არიან და დალაპარაკებოდით... 20 წუთით რომ შემოსულიყვნენ ისრაელთან კვარაცხელია და მიქაუტაძე, გაარღვევდნენ შუაზე ისრაელის დაცვას და გავიდოდით...
თქვენც კარგად იცით, რომ ასეა, მაგრამ იხტიბარს არ იტეხთ. ვისი გადაწყვეტილებაც იყო, ახლა ეს კვიპროსის 3 ქულა სადაც გინდათ, იქ წაიღეთ. გავუშვით ხელიდან ოლიმპიადა და ევროპის ჩემპიონატი...
რომელი ჯობდა? ამას დიდი რაღაც არ სჭირდება, გააჩერეთ ხალხი ქუჩაში და ჰკითხეთ. ნახევარფინალი კი არა, ევროპის ახალგაზრდული ჩემპიონატის ფინალურ ეტაპზე გასვლა გაგვიხდება აუხდენელი ოცნება...
რატომ არ იყო სანიოლი ჯგუფური ეტაპის თამაშებზე? მთელი მსოფლიო აქ იყო ფეხბურთის საყურებლად... თბილისში იცხოვრებსო. თბილისში ცხოვრება იმიტომ კი არ მინდა, "შარდენზე" კაფეში დაჯდეს...
ნაკრების მწვრთნელი ამაზე უკეთეს ადგილას სად წავიდოდა? სხვა ქვეყანაში რომ ჩატარებულიყო, იქ წავიდოდი საყურებლად სანიოლის ადგილას...
ჯერ ერთი, 10 ფეხბურთელი ამ ნაკრებში ჰყავს, და მერე, ვინც არ არის, პოტენციურად ეროვნულ ნაკრებში მისაწვევია ხვალ და ზეგ... დაგიბერდათ იქ მოთამაშეები, ასაკში არიან... კანკავა რომ წავიდა, სხვები ნაკლები კი არ არიან ასაკით, უკვე მოდის მათი შეცვლის დრო და ამ ნაკრებიდან უნდა შეცვალოთ...
...და დიდი აფიშები - "სანიოლი ისრაელთან მატჩს დაესწრება". დიდი მადლობა! გქონდეთ ახლა კვიპროსის 3 ქულა და ვნახოთ, რაში გამოგადგებათ მაგ ჯგუფში, - თქვა ლევან სალუქვაძემ.
წყარო: Lelo
ნომერი პირველი ამოცანა უნდა ყოფილიყო მაქსიმალური შედეგი და ამ შედეგისთვის რომ ყველაფერი არ გაკეთდა მთავრობის და ფედერაციის მხრიდან.დიახ ყველას უნდა მოენდომებინა და ეთამაშა ვისაც უწევდა ასაკით.
ჩვენ არც ბრაზილია ვართ და არც გერმანია და არც იტალია,მეორე ხარისხოვანი რომ ვეძახოთ ასეთ ტურნირს და მითუმეტეს სახლში.
დამოუკიდებლობის ისტორიაში არაფერი შედეგი არ გვაქ საერთოდ.
და ეს თუნდაც ნახევარფინალი იქნებოდა ძალიან დიდი ნაბიჯი მენტალურადაც სპორცმენებისთვის და ზოგადად ერისთვის....
მეც იგივე დავწერე ჯერ კიდევ დაწყებულიც არ იყო U21 ევროპა და ვწერდი რომ ჯგუფიდან გაგვიჭირდებოდა გასვლა, რადგან სქოთები უკვე დაწინაურებულები იყვნენ და ესპანეთის ამოგდება ჩვენთვის ჯერ ძალიან ადრეა თანაც ჯგუფურ ტურნირზე. ვფიქრობდი რომ მთავრაი აქცენტი ახალგაზდულზე უნდა გაკეთებულიყო და არა შესარჩევზე. ბოლოს გამოგვივიდე ისე როგორც დონკიხოტს ქარის წისქვილის შემთხვევაში. ხელში ბოლოს დაგრჩება არაფერი არც ოლიპმიადაზე მოხვედრა, რაც საკამოდ იოლად შეიძლებოდა და ვერც ჯგუფიდან გავალთ. დაგვრჩება ერთი შანს ევროპაზე პლეი ოფიდან მოხვედრის და უკვე ასეთი უგუნურება რადენჯერ მომხდარის შემდეგ, იქნებ ეგეც ვეღავ გავქაჩოთ. როცა საკუთარ თავს ამდენს აზიანებ, შანცია ბოლომდე დაზიანდე. ეს ყველაფერი კი ვისი უტვინობაცაა ისინი არც გრძნობენ პაუხისმგებლობას და მე აქედან რამდენიც უნდა ვიყვირო ან სალუქვაძემ აზრიც არა აქვს. კრება დარჩა მხიარული.... საბჭოს თავჯდომარე ბუჩქებში კარგად გრძნობდეს თავს და ქვეყნის დედაც....))) ყველაფერი უგუნურებას და უტვინობას ერთი სათავე აქვს. უპასუხისგებლობა და დაუსჯელობა. მე არავის ჩამოხრჩობას არ ვქადაგებ. მაგრამ ამდენ ხელიდან გაშვებულ შანსებს ზოგიერთები თავის თავს არ უნდა პატიობდნენ. მარა ამ ქვეყანაში ქვეყნის საქმის კეთება კი არა, გაზულუქების აღლუმია. გულდასაწყევეტია ეს ყველაფერი და იმედების დიდი გაცრუება. მადლობა სალუქვაძეს.
ანუ სად ვართ წარმოგვიდგენია?
თავდადება გვიხარია....